Kota Srinivasrao: ఇటీవల “మా” అధ్యక్ష ఎన్నికలలో(Maa Elections) నాగబాబు..(Nagababu) కోట శ్రీనివాసరావు(Kota Srinivas Rao) పై విమర్శలు చేసిన సంగతి తెలిసిందే. ప్రకాష్ రాజ్ ప్యానల్ కి నాగబాబు సపోర్ట్ చేసిన తరుణంలో.. అదే సమయంలో కోట శ్రీనివాసరావు ప్రకాష్ రాజ్(prakash raj)నీ ఉద్దేశించి సీరియస్ కామెంట్ చేయడం జరిగింది. తాను ప్రకాశ్ రాజ్ కలిసి 15 సినిమాలకు పైగా నటించానని.. ఒక్కసారి కూడా ఆయన షూటింగ్‌కు సమయానికి రాలేదన్నారు. అలాంటి వ్యక్తిని అధ్యక్షుడిగా గెలిపిస్తే ఏం చేస్తాడు అంటూ కోట వైరల్ కామెంట్లు చేయడం జరిగింది. దీంతో నాగబాబు కోట శ్రీనివాసరావు చేసిన వ్యాఖ్యలను ఖండిస్తూ… కొంతమందికి వయసు పెరుగుతుంది కానీ బుద్ధి పెరగదు. రేపోమాపో పోయేటట్టు ఉన్నాడు ఆ కోట శ్రీనివాసరావు. ఇంకా ఎప్పుడు మారతాడు అంటూ నాగబాబు అప్పట్లో కామెంట్లు చేయడం జరిగింది.
అయితే అనంతరం “మా” అధ్యక్ష ఎన్నికలు జరగటం… కోట శ్రీనివాసరావు మద్దతు తెలిపిన మంచు విష్ణు గెలవడం తెలిసిందే. ఇటువంటి తరుణంలో ఇటీవల పలు సోషల్ మీడియా ఛానల్ లకి… ఇంటర్వ్యూలు ఇస్తున్న కోట శ్రీనివాసరావు తాజాగా నాగబాబు చేసిన వ్యాఖ్యలకి కౌంటర్ ఇచ్చారు. ‘చిరంజీవి (Chiranjeevi)ఒక పక్క, పవన్ కల్యాణ్‌(Pawan Kalyan)మరో పక్క వీరిద్దరు లేకపోతే ఈ నాగబాబు(Nagababu) ఎవరు?. వారే లేకపోతే నాగబాబు అనే వ్యక్తి మామూలు నటుడు మాత్రమే. అతనేం ఉత్తమ నటుడు కాదు, గొప్ప నటుడు కాదు. ఆయనకేందుకు అసలు. గతంలో నాగబాబు ప్రకాశ్ రాజ్‌ను తిట్టారు. అది అందరికి తెలుసు. నేను ప్రకాశ్ రాజ్‌ను అన్నానని ఇప్పుడు ఆయన నన్ను విమర్శించారు. అపుడు ఆయనను ఏమైనా అన్నానా? నాగబాబు నాపై చేసిన కామెంట్స్‌కు అప్పుడే నేను స్పందించి ఉంటే టీవీల్లో, చానల్లో డిబెట్‌లు అంటూ రచ్చ జరిగేది’ అంటూ కోట మండిపడ్డారు.
చిరంజీవి, పవన్ కల్యాణ్‌ లేకపోతే నాగబాబు
అనంతరం ఇప్పటికి తాను అదే చెబుతానని, చిరంజీవి, పవన్ కల్యాణ్‌ లేకపోతే నాగబాబుకు గుర్తింపు లేదన్నారు. ఒక్క మెగా బ్రదర్‌ అనే గుర్తింపు తప్పా అంటూ.. కాంట్రవర్సీ కామెంట్ చేయడం జరిగింది. ఇదే క్రమంలో అప్పట్లో కోట శ్రీనివాసరావు పై నాగబాబు చేసిన కామెంట్లను చాలామంది సినిమా ఇండస్ట్రీకి చెందిన పెద్దోళ్ళు.. తప్పు పట్టారు.