Pearl: 108 సన్నని దారాలు కలిపి
పెళ్ళైన ఆడవారికి అందం ఐశ్వర్యం మెడలో వేసుకునే తాళి బొట్టు. భర్త భార్యమేడలో వేద మంత్రాలతో కట్టడం జరుగుతుంది. . 108 సన్నని దారాలు కలిపి దానికి పసుపు రాసి తయారు చేయబడిన తాడుకి మంగళసూత్రాన్నిగుచ్చుతారు . వివాహ సమయంలో పసుపు తాడుకి సూత్రం మాత్రమే కట్టబడి ఉంటుంది. పెళ్లి తర్వాత ఆడవాళ్లు సూత్రం తో పాటు పగడాలు, ముత్యాలు, చిన్న చిన్న ప్రతిమలు కలిపి కట్టి వేసుకుంటారు. ఇలా అన్ని కలిపి కట్టి వేసుకోవడం ఫ్యాషన్ (Fashion) అని చాలా మంది భావిస్తారు. కానీ దానివెనుక చాలా అర్ధం ఉంది.
Pearl: శరీరానికి కావల్సిన ఉత్తేజాన్ని
ఆడవారి మంగళ సూత్రాలు సౌభాగ్యం తో పాటు ఆమె ఆరోగ్యాన్ని (Health) కూడా కాపాడతాయి అని అని సనాతన ధర్మ శాస్త్రాలు తెలియచేస్తున్నాయి. సూత్రాలకు కట్టుకునే పగడం సూర్యడికి, కుజుడికి ప్రతీకలు గా చెప్పబడ్డాయి. అదేవిధం గా ముత్యం చంద్రునికి ప్రతీక గా చెప్పబడింది. ముత్యం,పగడం సూర్య, చంద్ర తేజాలను తమలో నింపుకుని ఉండడం వలన.. ఆడవారి శరీరానికి కావల్సిన ఉత్తేజాన్ని పగడం ఇవ్వడం తో పాటు.. నాడీ మండలాన్ని చురుగ్గా ఉండేలా చేయడానికి సహాయపడుతుంది. ముత్యం శరీరంలో ఉన్న అతి వేడిని లాగేసుకుని ప్రశాంతతను, సహనాన్ని కలిగేలా చేస్తుంది.
భర్త ఆయుషు
అటు పుట్టింటి వారిని,ఇటు అత్తింటివారిని మేము ఎప్పుడూ కలిపి ఉంచుతాము అనడానికి గుర్తుగా మంగళ సూత్రం లో రెండు సూత్రాలను ఉంచుతారు. భార్య మెడలో మంగళ సూత్రము ఉన్నంత వరకూ భర్త ఆయుషు కు ఎలాంటి డోకా ఉండదని హిందువులు భావిస్తారు . అందుకే హిందూ స్త్రీలు (Hindu Ladies) మంగళ సూత్రం తప్పక వేసుకుంటారు. మంగళ సూత్రం తీసి పక్కన పెట్టడం అనేది మంచి పని కాదు.. అలా ఎట్టి పరిస్థితులలో చేయకండి