Hair: మన పెద్దలు ఎప్పుడూ కొన్ని విషయాలను చెబుతూ ఉంటారు.. వాటిని పాటిస్తే జీవితంలో ఆనందం, శ్రేయస్సు కలుగుతాయి. వాటికి విరుద్ధంగా వెళితే కొన్ని సమస్యలను ఎదుర్కోవాల్సి వస్తుంది. రాత్రిపూట గోళ్ళు కత్తిరించకూడదు, వారంలో కొన్ని రోజులు తలస్నానం చేయకూడదు, జుట్టు కత్తిరించకూడదు అని నియమం ఉంటుంది. ఏ దేవుడిని పూజించిన, పూజించకపోయినా జుట్టు విప్పి గుడికి వెళ్లకూడదని అంటారు. నిద్రపోయే ముందు జుట్టు ముడి వేసుకోవాలి అని నియమం ఉంది. మహిళలు రాత్రి పడుకునే ముందు జుట్టు ఎందుకు ముడి వేసుకోవాలి.!? లేదంటే ఎందుకు జడ వేసుకోవాలి ఇప్పుడు చూద్దాం..!
రాత్రిపూట మహిళలు జుట్టు విరబోసుకుని పడుకోవడం దుఃఖానికి సంకేతం.. శాస్త్రాల ప్రకారం జుట్టు విప్పి అలా పడుకుంటే జీవితంలో ప్రతికూల ప్రభావం ఉంటుంది. సానుకూల ప్రభావం ఉండదు. జుట్టు అల్లకుండా వదిలేయడం విచారానికి సంకేతం. నలుపు రంగు శని రంగు నల్ల వెంట్రుకలు విప్పి పడుకోవటం వల్ల శని దోషం వచ్చే అవకాశం ఉంది. రాత్రిపూట జుట్టు విప్పి నిద్రపోతే నెగటివ్ ఎనర్జీ స్త్రీలను డొమినేట్ చేసే అవకాశం ఉంది. కోపం పెరిగి జీవితంలో ప్రశాంతత ఉండదు. కుటుంబంలో కలహాలు ఏర్పడవచ్చు.
అయితే ఈ విషయాన్ని కొంతమంది కొట్టి పారేయొచ్చు కానీ సైన్స్ పరంగా కూడా దీనిని చూస్తే.. రాత్రిపూట జుట్టు విరబోసుకొని పడుకుంటే జుట్టు అంతా చల్లా చెదురుగా ఉండి చిక్కులు పడుతుంది. జుట్టు చిక్కు తీసుకోవడానికి చాలా సమయం పడటంతో పాటు జుట్టు ఎక్కువగా ఊడిపోతుంది. ఇంకా రాత్రి మీ నిద్రకు భంగం కలిగించవచ్చు. జుట్టు మొహం మీద పడి తలలో చుండ్రు శరీరం మీద పడి చర్మ సమస్యలు రావచ్చు. ఇంకా ఆరోగ్య సమస్యలు కూడా తలెత్తవచ్చు.