Shreyas Talpade: 2021లో విడుదలైన “పుష్ప” సినిమా చిత్ర పరిశ్రమలోనే సంచలనం సృష్టించిన సంగతి తెలిసిందే. సుకుమార్ దర్శకత్వంలో పాన్ ఇండియా నేపథ్యంలో తెరకెక్కిన ఈ చిత్రం బ్లాక్ బస్టర్ విజయం సాధించింది. ఐకాన్ స్టార్ అల్లు అర్జున్ గ్రాఫ్ ఒక్కసారిగా పెంచేసింది. “పుష్ప” సినిమాలో పాటలు ఫైట్స్ డైలాగులు అన్నీ కూడా ఒక్క భారతదేశంలో మాత్రమే కాదు ప్రపంచవ్యాప్తంగా ట్రెండ్ సెట్టర్ గా నిలిచాయి. ఈ సినిమాకి గాను అల్లు అర్జున్ ఉత్తమ జాతీయ నటుడు అవార్డు కూడా ఇటీవల గెలవడం జరిగింది. దీంతో ఇప్పుడు “పుష్ప 2” నీ సినిమా యూనిట్ చాలా ప్రతిష్టాత్మకంగా తీసుకున్నారు.
మొదటి భాగంకి వచ్చిన రెస్పాన్స్ కి రెండో భాగాన్ని అత్యధిక భాషలలో విడుదల చేయడానికి సిద్ధమయ్యారు. అంతేకాదు వచ్చే ఏడాది ఆగస్టు 15వ తారీకు సినిమా విడుదల చేస్తున్నట్లు కూడా స్పష్టం చేశారు. ఈ క్రమంలో ఈ సినిమా షూటింగ్ శరవేగంగా జరుగుతోంది. కానీ ఇటీవల సినిమా యూనిట్ సభ్యులకు దెబ్బ మీద దెబ్బ అన్నట్టు ఇబ్బందులు ఎదురవుతూ ఉన్నాయి. మేటర్ లోకి వెళ్తే “పుష్ప” సినిమాలో కేశవ పాత్ర చాలా హైలైట్ అని అందరికీ తెలుసు. సినిమాలో సగం అల్లు అర్జున్ పక్కనే అతను కనిపిస్తాడు. రెండో భాగంలో కూడా అతని పాత్ర చాలా కీలకంగా కనిపిస్తోంది. కానీ ఇటీవల ఓ అమ్మాయిని వేధించడంతోపాటు ఆమె ప్రవేట్ ఫోటోలను పోస్ట్ చేస్తానని బెదిరించడంతో.. ఆ అమ్మాయి ఆత్మహత్య చేసుకుంది. కేసు నమోదు కావడంతో కేశవ పాత్రలో నటించిన జగదీష్ నీ పోలీసుల అరెస్టు చేయడం జరిగింది.
సెకండ్ భాగంలో కేశవ పాత్రకి సంబంధించి ఇంకా షూటింగ్ మొదలు కాలేదు. దీంతో చిత్ర యూనిట్ ఒక్కసారిగా షాక్ కి గురైంది. ఈ షాక్ లో ఉండగా మరో షాక్ తగిలింది. విషయం లోకి వెళితే బాలీవుడ్ లో “పుష్ప” అల్లు అర్జున్ పాత్రకి డబ్బింగ్ చేపీన నటుడు శ్రేయాస్ తల్పాడే గుండెపోటుకు గురికావడం జరిగింది. ఇటీవల ముంబై సినిమా షూటింగ్ లో పాల్గొన్న శ్రేయాస్.. ఇంటికి వెళ్ళినా తరువాత.. గుండెనొప్పీ తో ఒక్కసారిగా కుప్పకూలిపోయాడు. దీంతో వెంటనే కుటుంబ సభ్యులు బెల్లేవో… హాస్పిటల్ కి తరలించారు. శ్రేయాస్ చాలా యాక్టివ్ గా ఉంటాడు. అటువంటి వ్యక్తికి గుండె నొప్పి రావడం హాస్పిటల్ లో జాయిన్ అవ్వటంతో “పుష్ప” సినిమా యూనిట్ కంగారు పడటం జరిగింది. దీంతో శ్రేయాస్… ఆరోగ్యం పట్ల “పుష్ప” యూనిట్ ఆందోళన చెందుతూ ఉంది.