Ram Charan: మెగా పవర్ స్టార్ రామ్ చరణ్ తేజ్ ఆయన సతీమణి ఉపాసన ఫోర్బ్స్ ఇండియాలో అరుదైన గౌరవం సొంతం చేసుకున్నారు. సూపర్ కపుల్ పేరుతో కవర్ పేజీ కథనాన్ని ఫోర్బ్స్ ఇండియా ప్రచురించింది. అంతేకాదు ఆ కవర్ పేజి పై “ఈ కాలేజీ స్వీట్ హార్ట్ లో ఒకరు ఎంటర్టైనర్ మరొకరు సూపర్ స్టార్” అనే ట్యాగ్ స్టోరీ ప్రచురించడం జరిగింది. రామ్ చరణ్ మరియు ఉపాసన ఇద్దరు ప్రేమించి పెళ్లి చేసుకున్నారు. 2012లో వీళ్ళ వివాహం జరగగా ఈ ఏడాది జూన్ నెలలో ఈ జంటకు పాప జన్మించింది. ఆ పాపకి మెగా ప్రిన్సెస్ క్లీంకార అనే పేరు పెట్టడం జరిగింది. సినిమాల పరంగా రామ్ చరణ్ 2022లో “RRR” సినిమాతో హిట్టు అందుకున్నారు.
ఆ తర్వాత ఇప్పటివరకు మరో సినిమా విడుదల చేయలేదు. “RRR” విజయం సాధించిన తర్వాత ఆస్కార్ అవార్డు ప్రమోషన్ కార్యక్రమాలలో అంతర్జాతీయ సినీ వేడుకలలో చరణ్ బిజీబిజీగా గడపడం జరిగింది. ప్రస్తుతం శంకర్ దర్శకత్వంలో “గేమ్ చేంజర్” అనే సినిమా చేస్తున్నారు. ఈ సినిమా షూటింగ్ ఫిబ్రవరి నెల కల్లా పూర్తి కాబోతున్నట్లు సమాచారం. అంతా కుదిరితే వేసవి కాలంలో సినిమా రిలీజ్ చేసే అవకాశం ఉంది. రామ్ చరణ్ కెరియర్ లో ఇది 15వ సినిమా…కావడంతో చాలా ప్రతిష్టాత్మకంగా తెరకెక్కిస్తున్నారు. ఈ సినిమాలో చరణ్ మూడు విభిన్నమైన పాత్రలలో కనిపించబోతున్నట్లు ఫిలింనగర్ టాక్.
రామ్ చరణ్ సరసన కియారా అద్వానీ హీరోయిన్ గా నటిస్తోంది. మెసేజ్ ఓరియంటెడ్ తరహాలో ఈ సినిమా స్టోరీ ఉండబోతున్నట్లు సమాచారం. “RRR” తో చరణ్ కి గ్లోబల్ మార్కెట్ ఏర్పడటంతో అదే రేంజ్ లో “గేమ్ చేంజర్” సినిమా విడుదల చేయడానికి నిర్మాత దిల్ రాజు సన్నాహాలు చేస్తున్నారు. సినిమా ఆలస్యం కావడంతో కుదిరితే ఈ సినిమా రెండు భాగాలుగా విడుదల చేసే అవకాశాలు ఉన్నట్లు ఇండస్ట్రీలో ప్రచారం జరుగుతుంది.