Rathika: తెలుగు బిగ్ బాస్ సీజన్ సెవెన్ లో మొదటి వారం అద్భుతమైన ఆట తీరుతో ఆకట్టుకున్న కంటెస్టెంట్ రతిక. ఆమె ఇతరులతో మాట్లాడిన విధానం బిగ్ బాస్ ఇచ్చిన టాస్కులకు ఆమె వ్యవహరించిన తీరు మొదటి వారం అందరి దృష్టిని ఆకర్షించడం జరిగింది. బిగ్ బాస్ హౌస్ లో రాకముందు అందంతో పాటు మంచి పాటలతో కూడా గుర్తింపు తెచ్చుకుంది. కానీ రెండవ వారం హౌస్ లో ఇతరుల ఫీలింగ్స్ తో ఆడుకునీ రతిక ఆడిన ఆట తీరుకు బయట విపరీతమైన నెగెటివిటీని సొంతం చేసుకుంది. ప్రాముఖ్యంగా పల్లవి ప్రశాంత్ పట్ల వ్యవహరించిన తీరు..వల్ల రతిక గ్రాఫ్ అమాంతం పడిపోయింది.
ఈ క్రమంలో హౌస్ నుండి నాలుగో వారంలోనే ఎలిమినేట్ అయిపోయింది. కానీ మళ్లీ బిగ్ బాస్ అవకాశం ఇచ్చి రీ ఎంట్రీ ఇచ్చిన గాని.. ఆమె ఆట తీరులో మార్పు లేకపోవడంతో… టాప్ 5కి చేరక ముందే హౌస్ నుండి ఎలిమినేట్ అయిపోయింది. బిగ్ బాస్ హౌస్ లో విపరీతమైన నెగిటివిటీ తెచ్చుకున్నా గాని ప్రస్తుతం సినిమా ఇండస్ట్రీలో అవకాశాలు బానే అందుకుంటుంది. లేటెస్ట్ గా రతికకి సినిమా ఇండస్ట్రీలో రెండు పెద్ద సినిమాల్లో హీరోయిన్ గా నటించే అవకాశం అందుకోవడం జరిగిందట.
ఈ విషయాన్ని రతిక ఇటీవల ఓ ఇంటర్వ్యూలో తెలియజేసింది. బిగ్ బాస్ హౌస్ నుండి బయటకు వచ్చిన తర్వాత తోటి కంటెస్టెంట్లతో పెద్దగా కలవలేదు. ఇదే సమయంలో కెరియర్ పరంగా ముందుకు వెళ్లేందుకు బాగా కష్టపడుతూ ఉంది. ఈ క్రమంలో రతిక అందానికి తగ్గట్టు హీరోయిన్ అవకాశాలు అందుకుంటూ ఉంది. కోలీవుడ్ ఇండస్ట్రీలో ఓ పెద్ద ప్రొడక్షన్ లో హీరోయిన్ గా ఛాన్స్ అందుకుందట. అధికారికంగా త్వరలోనే ఈ విషయాన్ని ప్రకటించనున్నట్లు సమాచారం. ఇక ఇదే సమయంలో.. తెలుగులో కూడా ఓ పెద్ద ప్రాజెక్టు లో రతిక కీలక పాత్ర పోషించబోతున్నట్లు టాక్.