Nagarjuna : అక్కినేని నాగార్జున వారసుడిగా “జోష్” సినిమాతో ఎంట్రీ ఇచ్చిన నాగచైతన్య అనతికాలంలోనే స్టార్ హీరోగా మారిపోయాడు. తనకు వయసుకు తగ్గ సినిమాలు చేస్తూ ప్రేమకథ తరహాలో స్టోరీలు ఎంచుకుని అదిరిపోయే విజయాలు సాధిస్తూ ఒకపక్క లవర్ బాయ్ ఇమేజ్ మెయింటెన్ చేస్తూనే మరో పక్క మాస్ ప్రేక్షకులను కూడా అలరించే విధంగా చైతు సినిమాలు చేస్తూ వస్తున్నాడు. బాక్స్ ఆఫీస్ దగ్గర భారీ విజయాలు తండ్రి నాగార్జున కు తగ్గ ఇమేజ్ తో దూసుకుపోతున్నాడు.
Nagarjuna : అమీర్ ఖాన్ తో నాగచైతన్య..??
ఇదిలా ఉంటే నాగార్జున బాటలోనే ఆలోచన చేస్తూ బాలీవుడ్ ఇండస్ట్రీలో అడుగు పెట్టడానికి నాగచైతన్య సరికొత్త ఆలోచన చేస్తున్నట్లు ఇండస్ట్రీ వర్గాల నుండి అందుతున్న టాక్. మేటర్ లోకి వెళ్తే నాగార్జున అప్పట్లో కుర్ర వయసులోనే బాలీవుడ్ ఇండస్ట్రీలో ఎంట్రీ ఇవ్వడం జరిగింది. ఈ నేపథ్యంలో ఇప్పుడు అదే తరహాలో నాగ చైతన్య బాలీవుడ్ లోకి అడుగు పెట్టడానికి రెడీ అయినట్లు ఇండస్ట్రీ నుండి అందుతున్న టాక్. మేటర్ లోకి వెళ్తే బాలీవుడ్ మిస్టర్ పర్ఫెక్ట్ అమీర్ ఖాన్ లేటెస్ట్ మూవీ ‘లాల్ సింగ్ చద్దా’లో విజయ్ సేతుపతి చేయాల్సిన ఓ పాత్ర అతను నిరాకరించడంతో నాగచైతన్యను వరించినట్టు తెలిసింది.
గతంలోనే ఈ వార్త సోషల్ మీడియాలో వైరల్ కాగా తాజాగా బాలీవుడ్ మీడియా కూడా కన్ఫామ్ చేయడంతోపాటు మే నెలలో నాగచైతన్య ఈ సినిమా షూటింగ్ లో పాల్గొంటున్నట్లు సరికొత్త వార్త బీ టౌన్ లో వినపడుతోంది. ప్రస్తుతం నాగచైతన్య టాలీవుడ్ ఇండస్ట్రీలో శేఖర్ కమ్ముల దర్శకత్వంలో నటించిన “లవ్ స్టోరీ” సినిమా విడుదలకు సిద్ధంగా ఉంది. ఈ ఏడాది వేసవి లో సినిమా ప్రేక్షకుల ముందుకు రానుంది.