Brooklyn Nine Nine: ఈ ఏడాది మరో రెండు వారాలలో ముగియనుంది. సినిమా ఇండస్ట్రీ పరంగా 2023లో వరుస విషాద సంఘటనలు చోటుచేసుకున్నాయి. మరి ముఖ్యంగా హాలీవుడ్ ఇండస్ట్రీలో ఎక్కువ మరణాలు సంభవించాయి. కొంతమంది అనారోగ్య రీత్యా మరణించగా మరి కొంతమంది అనుమానాస్పద స్థితిలో ప్రాణాలు విడవటం జరిగింది. కొద్ది నెలల క్రితం హాలీవుడ్ స్టార్ మ్యాథ్యూ పెర్రీ ఆ రకంగానే మరణించడం జరిగింది. ఇదిలా ఉంటే మరో ప్రముఖ హాలీవుడ్ నటుడు ఆండ్రీ బ్రౌగర్ కన్నుమూశాడు. 61 సంవత్సరాలు వయసులో అనారోగ్యంతో మృతి చెందినట్లు అతని భార్య అమీ బ్రాబ్సన్ స్పష్టం చేయడం జరిగింది. ఎంటర్టైన్మెంట్ రంగంలో మొదట టెలివిజన్ షోలలో ఆండ్రీ బ్రౌగర్ రాణించటం జరిగింది.
1989లో టీవీ షోలలో కెరియర్ ఆరంభించి.. మంచి గుర్తింపు పొందడం జరిగింది. ఆండ్రీ బ్రౌగర్ చాలా షోలలో చేస్తూ అనేక టీవీ సీరిస్ లలో కూడా నటించడం జరిగింది. ఆ తర్వాత సినిమా ఇండస్ట్రీలో అవకాశాలు అందుకుని 2022 వరకు బిజీ నటుడిగా.. హాలీవుడ్ ఇండస్ట్రీలో రాణించాడు. సినిమా రంగం కంటే అత్యధికంగా టెలివిజన్ లో ఆండ్రీ బ్రౌగర్ కెరియర్ సాగింది. నరహత్య, బ్రూక్లిన్ నైన్- నైన్ లలో చేసిన పాత్రలకు మంచి పేరు రావడం జరిగింది. బ్రూక్లిన్ నైన్- నైన్ టీవీ సీరిస్ కి గాను గోల్డెన్ గ్లోబ్ అవార్డు గెలుచుకున్నాడు.
అంతేకాదు ఈ టీవీ సీరిస్ కి.. కామెడీ సీరియస్ లో భాగంగా అత్యుత్తమ సహాయ నటుడిగా నాలుగు ప్రైమ్ టైం ఏమ్మీ అవార్డులకు కూడా నామినేట్ కావడం జరిగింది. ఆండ్రీ బ్రౌగర్ కెరియర్ మొత్తంలో రెండుసార్లు ఏమ్మి ప్రతిష్టాత్మక అవార్డును గెలుచుకోవడం జరిగింది. 1991లో ఆండ్రీ బ్రౌగర్ “హోమ్ సైడ్ లైఫ్ ఆఫ్ ది స్ట్రీట్”లో తనతో పాటు కలిసిన అమీ బ్రాబ్సన్ నీ ప్రేమించి పెళ్లి చేసుకోవడం జరిగింది. పెళ్లి అనంతరం ముగ్గురు కుమారులకు జన్మనిచ్చారు. కాగా ఇటీవల డిసెంబర్ పదకొండు 61 సంవత్సరాల వయసులో ఆండ్రీ బ్రౌగర్ అనారోగ్యంతో మృతి చెందడంతో ప్రముఖులు సంతాపం తెలిపారు.