Nuvvu Nenu Prema: స్టార్ మా ఛానల్ లో ప్రసారం అవుతున్న ‘నువ్వు నేను ప్రేమ’ సీరియల్ విజయవంతంగా నడుస్తూ ముందుకు దూసుకుపోతున్న సంగతి తెలిసిందే. 353 ఎపిసోడ్స్ ని పూర్తి చేసుకున్న ఈ సీరియల్ ఇప్పుడు 354 వ ఎపిసోడ్ లోకి అడుగుపెట్టింది. ఈ ఎపిసోడ్ లో ఏమి జరగబోతుందో ఒకసారి చూద్దాము.
కృష్ణ వేసిన ట్రాప్ లో పడి పద్మావతి ని అపార్థం చేసుకున్న విక్రమాదిత్య :
పద్మావతి ని తనని ప్రేమిస్తున్నట్టుగా విక్రమాదిత్య ని నమ్మించడానికి కృష్ణ మురళి పెద్ద ప్లాన్ వేసాడు. పద్మావతి విక్రమాదిత్య కి రాసిన లేఖలో తన పేరు ని రాసుకుంటాడు. అసలు ఏమి జరుగుతుందో తెలుసుకోవడానికి విక్రమాదిత్య పద్మావతి రూమ్ లోకి వచ్చి ఆ లెటర్ చూసి కుప్పకూలిపోతాడు. మా బావని పద్మావతి ఇష్టపడుతుందా, అసలు నమ్మలేకున్నాను అంటూ బాధపడుతాడు విక్రమాదిత్య, ప్రేమకి ప్రతి రూపం అని పద్మావతిని నమ్మాను, ఇంత మోసం చెయ్యాలని చూస్తుందా, ఇది నేను నమ్మలేక ఉన్నాను అని మనసులో కుమిలిపోతూ ఉంటాడు విక్రమాదిత్య. అసలు ఇలా ఎలా చేయగలవు పద్మావతి, నీతోనే మాట్లాడి తేల్చుకోవాలి అని అనుకుంటాడు.
Nuvvu Nenu Prema: కృష్ణ కి పద్మావతి రాసిన ప్రేమలేఖని చూసి దిగ్బ్రాంతికి గురైన విక్కి
పద్మావతిని కౌగిలించుకున్న కృష్ణ :
అప్పుడు లాన్ లో పద్మావతి మరియు కృష్ణ మురళి మాట్లాడుకుంటున్నది దూరం నుండి చూస్తాడు విక్రమాదిత్య. అప్పుడు మురళి పద్మావతి తో మాట్లాడుతూ దయచేసి నన్ను పెళ్లి చేసుకో అని అంటాడు, అప్పుడు పద్మావతి దుర్మార్గుడా, నువ్వు అరవింద గారి భర్తవి, తనకి ఇంత అన్యాయం చెయ్యాలని అనుకుంటావా, నువ్వు అసలు మారవా?, అయినా నీలాంటి నీచుడిని పెళ్లి చేసుకుంటానని ఎలా అనుకున్నావు అని అంటుంది పద్మావతి.
అప్పుడు మురళి విక్రమాదిత్య రావడాన్ని గమనిస్తాడు. అతను పద్మావతి తో తనకి రిలేషన్ ఉందని నమ్మించడానికి అతను చూసే విధంగా పద్మావతి ని కౌగలించుకుంటాడు. ఇదంతా చూసిన విక్కీ గుండె బద్దలైపోతుంది, ఇక పద్మావతి కూడా తన అక్కని మోసం చేస్తుందని మనసులో రగిలిపోతూ ఉంటాడు. ఇక కౌగలించుకొని బ్రతిమిలాడుతూ ఇబ్బంది పెడుతున్న మురళి ని వదిలించుకొని అతనిని బాగా తిట్టేసి లోపలకి వెళ్ళిపోతుంది. చివర్లో ఆ గొడవలో ‘అరవింద గారిని వదిలేయ్’ అని పద్మావతి అన్నమాటలను వింటాడు విక్రమాదిత్య.
Krishna Mukunda Murari: ముకుంద ముందే కృష్ణకి ప్రపోజ్ చేసిన మురారి.. రేపటికి సూపర్ ట్విస్ట్..
అను – ఆర్య పెళ్లిని ఆపేస్తాను అని బెదిరించిన విక్రమాదిత్య :
మరో పక్క పెళ్లి మండపం మొత్తం అను – ఆర్య పెళ్లి సందడి తో వెలిగిపోతూ ఉంటుంది, అందరూ డ్యాన్స్ వేస్తూ సంబరాలు చేసుకుంటూ ఉంటారు. మరోపక్క విక్రమాదిత్య తన బావ మురళి వద్దకి వచ్చి అతని చెంప పగలగొట్టి మా అక్కని మోసం చెయ్యాలని అనుకుంటావా అని చొక్కా పట్టుకొని నిలదీస్తాడు. ఏంటి తెగ రెచ్చిపోతున్నావు, నేను మీ బావని అని అంటాడు మురళి. బావవి కాబట్టే బ్రతికిపోయావు, లేకపోతే నీ రక్తం కళ్లచూసేవాడిని అని అంటాడు విక్రమాదిత్య, అప్పుడు మురళి అంత తప్పు నేనేం చేశాను అని అంటాడు, నీకు పద్మావతి కి మధ్య ఏమి జరుగుతుందో మొత్తం చూసాను, మా అక్కకి అన్యాయం చెయ్యాలని చూస్తే నిన్ను ప్రాణాలతో విడిచిపెట్టను అని అంటాడు విక్రమాదిత్య.
అప్పుడు మురళి పద్మావతి నన్ను ప్రేమిస్తుంది అనే విషయం తెలుసుకున్న తర్వాత, తనతోనే నా జీవితం పంచుకోవాలని ఫిక్స్ అయ్యాను. అవసరం అయితే మీ అక్కని అయినా వదిలేస్తాను కానీ పద్మావతిని వదలను అంటాడు మురళి. ఇక మరుసటి ఎపిసోడ్ లో పద్మావతిని పక్కకి తీసుకెళ్లి ఇంత మోసం చేస్తావా అని అంటాడు, నేనేం చేశాను సారూ అని అనగా, మర్యాదగా నేను చెప్పింది చెయ్, లేకపోతే నీ అక్క పెళ్లి కూడా ఆపేస్తాను అని అంటాడు విక్రమాదిత్య, ఇంతకీ విక్రమాదిత్య ఏమి చెప్పాడు అనేది తెలియాలంటే రేపటి ఎపిసోడ్ లో చూడాల్సిందే.
Read More: ఏదో అదుకుంటే .. మరేదో అయ్యింది..!