Prema Entha Madhuram September 20th: తెలుగు బుల్లితెరలో చాలా మంది నటీమణులు హీరోయిన్లకు పోటీగా నటిస్తున్నారు. ఇందులో కొందరు మన తెలుగు వాళ్లు ఉండగా.. ఇంకొందరు కన్నడ, తమిళ ఇండస్ట్రీ నుంచి ఇక్కడికి వచ్చి నటిగా మంచి గుర్తింపు పొందెందుకు తెగ ప్రయత్నాలు చేస్తున్నారు. బుల్లితెర హీరోయిన్లుగా చెలామణి అవుతూ.. ప్రత్యేక గుర్తింపు, ఆదరణను పొందుతున్నారు. అయితే చాలా మంది నటీమణులు సీరియళ్ల ద్వారానే గుర్తింపు పొందిన వారు ఉన్నారు. అలాంటి వారిలో ప్రముఖ సీరియల్ ‘కార్తీక దీపం’ హీరోయిన్ వంటలక్క పాత్రలో నటించిన ప్రేమి విశ్వనాథన్ ఒకరు.
ఆమెకు తెలుగు రాష్ట్రాల్లో ప్రత్యేక అభిమాన సంఘాలు ఉన్నాయి. ఈ సీరియల్ ముగిసే నాటికి చాలా మంది వంటలక్కకు దూరమవుతామని కన్నీరు కార్చిన వాళ్లూ ఉన్నారు. అంతే స్థాయిలో మరో బుల్లితెర నటి ఫేమస్ అయింది. ఆమె నటనతో తెలుగు ప్రేక్షకుల నుంచి అంతే ఆదరణ పొందుతోంది. ఆమె ఎవరో కాదు.. ప్రముఖ టీవీ ఛానెల్ జీ తెలుగులో ప్రసారం అవుతున్న ‘ప్రేమ ఎంత మధురం’ సీరియల్ హీరోయిన్ అను. అను ఒరిజినల్ పేరు వర్ష హెచ్‌కే. ఇంతకీ వర్ష ఎవరు? ఆమె వ్యక్తిగత విషయాలు, ఆమె నటించిన సీరియళ్లు, వర్ష కెరీర్ ప్రారంభం, తదితర విషయాల గురించి ఇప్పుడు తెలుసుకుందాం..
వర్ష హెచ్‌కే వ్యక్తిగతం..
1996లో బెంగళూరులోకి కర్ణాటకలో వర్ష జన్మించారు. ప్రస్తుతం ఆమె వయసు 27 ఏళ్లు. స్థానిక ఉమెన్స్ కాలేజీలో గ్రాడ్యుయేషన్ పూర్తి చేశారు. చిన్నప్పటి నుంచి మోడలింగ్, యాక్టింగ్‌పై ఇంట్రెస్ట్ ఎక్కువ. అందుకే మొదటగా మోడలింగ్‌లో రాణించింది. మోడల్‌గా కెరీర్ స్టార్ చేస్తూనే సీరియళ్లలో ఛాన్స్ కోసం ప్రయత్నించింది. ఇండస్ట్రీలో అడుగు పెట్టకన్న ముందు ‘బీ పాజిటివ్’ అనే షార్ట్ ఫిల్మ్‌లో వర్ష నటించారు. ఈ షార్ట్ ఫిల్మ్ నుంచి వర్షకు మంచి గుర్తింపు వచ్చింది. దాంతో ఆమెకు కన్నడలోనే ‘నాగ మండలం’ సీరియల్‌తో ఆరంగేట్రం చేసింది. ఈ సీరియల్‌తో కన్నడ ప్రేక్షకులకు వర్ష మరింత దగ్గరైంది. ఆ తర్వాత వర్షకు వరుస అవకాశాలు రావడం మొదలయ్యాయి. కన్నడలోనే ‘రాజా రాణి, కస్తూరి నివాస’ సీరియళ్లలో నటించారు.
తెలుగులో ఛాన్స్..
కస్తూరి నివాస సీరియల్ చేస్తున్నప్పుడే వర్షకు ‘ప్రేమ ఎంత మధురం’ సీరియల్ నుంచి ఆఫర్ వచ్చింది. దానికి ఓకే చెప్పిన వర్ష కన్నడ నుంచి హైదరాబాద్‌కు తన మకాం మార్చింది. ‘ప్రేమ ఎంత మధురం’ సీరియల్‌తోనే ఆమె మొదటగా తెలుగులో ఆరంగేట్రం చేసింది. అయితే కన్నడ నటి అయినప్పటికీ తెలుగును స్పష్టంగా మాట్లాడేలా, అచ్చం తెలుగు అమ్మాయి అనేంతలా మారిపోయింది. చాలా మంది వర్షను చూసి తెలుగమ్మాయి అని భ్రమ పడిపోతారు. కానీ వర్ష 9 భాషల్లో అనర్గలంగా మాట్లాడగలదు. అయితే వర్షకు ‘ప్రేమ ఎంత మధురం’ సీరియల్ అప్పుడే కన్నడ, తమిళ భాషల్లో నటించేందుకు ఆఫర్స్ వచ్చాయి. ట్రావెల్ కష్టంగా ఉండటం వల్ల ఆమె కేవలం ఒకే సీరియల్ చేస్తున్నానని ఓ ఇంటర్వ్యూలో చెప్పుకొచ్చింది. కాగా, 2020లో వర్షకు ‘జీ కుటుంబం అవార్డ్’ వచ్చింది. 2023 నాటికి ఆమె నికర ఆదాయం రూ.5 లక్షలు సంపాదిస్తోంది.
ఫ్యాన్ ఫాలొయింగ్ ఎక్కువే..
‘ప్రేమ ఎంత మధురం’ సీరియల్ ద్వారా వర్షకు భారీ గుర్తింపే వచ్చింది. తెలుగు ప్రేక్షకుల్లో మంచి ఆదరణ పొందారు. ప్రత్యేకమైన ఫ్యాన్ బెస్‌ను ఏర్పాటు చేసుకున్నారు. ఒక వైపు సీరియల్‌లో నటిస్తూ బిజీగా ఉంటూనే.. సోషల్ మీడియా ద్వారా తన అభిమానులకు ఎప్పుడూ దగ్గరగా ఉంటారు.
వర్షకు ఇన్‌స్టాగ్రామ్‌లో లక్షల్లో ఫాలొవర్స్ ఉన్నారు. ఇందులో ఆమె డైలీ యాక్టివిటీలు, ఫోటో షూట్స్, రీల్స్ షేర్స్ చేస్తుంటారు. ఇండస్ట్రీలో వర్షకు ఫేవరేట్ హీరో హీరోయిన్లు ఎవరని అడిగినప్పుడు.. పునీత్ రాజ్ కుమార్, సౌందర్య అని పలు సందర్భాల్లో చెప్పుకొచ్చింది. అలాగే టాలీవుడ్‌లో ఆమె ప్రభాస్ అంటే ఇష్టమని ఇంటర్వ్యూల్లో చెప్పింది. తెలుగు ప్రజలు ఇంతలా ఆదరిస్తారని ఎప్పుడూ ఊహించలేదని ఆమె పేర్కొన్నారు.