Idli: ఇడ్లీ.. కొంతమందికి వీటి పేరు వింటేనే గొంతు మింగుడ పడదు.. కానీ ఇడ్లీ హెల్తీ అని డైట్ నిపుణులు చెబుతున్నారు.. సాధారణ ఇడ్లీ కంటే జొన్న ఇడ్లీ మేలైన ఫలితాలు కనిపిస్తాయి.. జొన్న ఇడ్లీ ఎలా తయారు చేసుకోవాలో.. తింటే ఎటువంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం..!
జొన్న ఇడ్లీ తయారీకి కావలసిన పదార్థాలు..
మినపప్పు ఒక కప్పు, జొన్న రవ్వ రెండు కప్పులు, ఉప్పు తగినంత. ముందుగా మినపప్పు జొన్న రవ్వ ను విడివిడిగా ఆరు గంటల పాటు నానబెట్టుకోవాలి. తరువాత మినప్పప్పును మెత్తగా రుబ్బుకోవాలి. అందులో జొన్న రవ్వ ను కలిపి మరో ఆరు గంటలు పులియ బెట్టుకోవాలి. సాధారణ ఇడ్లీ పిండి ఎలా తయారు చేసుకుంటారో.. ఇది కూడా అలాగే తయారు చేసుకోవచ్చు. ఒకేసారి జొన్న రవ్వ ఇడ్లీ తినడానికి ఇష్టపడకపోతే.. ఒక కప్పు ఇడ్లీ రవ్వ, ఒక కప్పు జొన్న రవ్వ తో కూడా ఇడ్లీ చేసుకోవచ్చు.
ఒక్కసారి జొన్న ఇడ్లీనీ అల్లం పచ్చడి, పుదీనా పచ్చడితో లేదంటే మీకు నచ్చిన నేతి కారంపొడి తో తింటే ఆ రుచిని అస్సలు మర్చిపోలేరు. జొన్న లో మన శరీరానికి కావలసిన విటమిన్స్, మైక్రో న్యూట్రియంట్స్, క్యాల్షియం, ఐరన్ సమృద్ధిగా లభిస్తాయి. ఇందులో గ్లుటెన్ కూడా ఉండదు. రక్తంలో చక్కెర స్థాయిలను జొన్నలు నియంత్రణలో ఉంటాయి. మధుమేహంతో బాధపడే వారు ప్రతిరోజు ఇడ్లీలు తింటే త్వరగా డయాబెటిస్ తగ్గుతుంది. బరువు తగ్గాలనుకునే వారికి కూడా జొన్నలతో చేసిన ఇడ్లీ మిశ్రమ ఫలితాలు ఇస్తాయి. అంతేకాకుండా ఎముకలు దృఢంగా ఉండేలా చేస్తాయి. గుండె సంబంధిత సమస్యలు రావు. రక్తహీనత సమస్యను తగ్గించి రక్తం వృద్ధి చెందేలా చేస్తుంది. అధిక రక్తపోటును నియంత్రణలో ఉంచుతాయి. చూశారుగా జొన్న ఇడ్లీ తో ఎన్ని ప్రయోజనాలో.. ఒక్కసారి మీరు కూడా తిని చూడండి.