Periods : దానిమ్మ పండుతో మనకు ఎన్నో ప్రయోజనాలు ఉన్నాయి.కేవలం పండులో ఉండే గింజలే కాదు దాని తొక్క కూడా మనకు బాగా ఉపయోగపడుతుంది. సాధారణంగా దానిమ్మ తొక్కను తినడానికి ఎవరు ఇష్టపడరు. కానీ దానిమ్మ తొక్కను చిన్న చిన్న ముక్కలుగా చేసుకుని సలాడ్ లలో కలుపుకుని తినడం వలన శరీరానికి అవసరమైన యాంటీ ఆక్సిడెంట్స్ అందడం తో పాటు రోగనిరోధక శక్తి కూడా పెరుగుతుంది. ఇంకా ఎన్ని విధాలుగా దానిమ్మ తొక్కలను పారేయకుండా ఉపయోగించుకోవాలో తెలుసుకుందాం..
స్త్రీలు నెలసరి సమయంలో కడుపు నొప్పితో బాధ పడుతుంటారు. అలాంటి సమయంలో… దానిమ్మ పండు తొక్కలను ఎండబెట్టి చేసిన పొడిని ఓ టేబుల్ స్పూన్ తీసుకుని ఒక గ్లాసు నీటిలో వేసి… కలిపి తాగితే ఎక్కువ రక్తం పోకుండా ఆపడం తో పాటు కడుపు లో నొప్పిని కూడా తగ్గేలా చేస్తుంది.పైల్స్ సమస్య తో బాధపడుతున్న కూడా ఎండిపోయిన దానిమ్మ తొక్కల పొడి లో బెల్లం కలిపి మళ్లీ గ్రైండ్ చేసుకుని చిన్న చిన్న ముద్దలుగా చేసి రోజూ తింటూ ఉంటే… పైల్స్ సమస్య తొందరగా తగ్గిపోతుంది. గొంతులో టాన్సిల్స్ , గుండె జబ్బులు, దగ్గు,ముఖంపై ముడతలు, శరీరం నుంచి చెడు వాసనలు, రక్తస్రావం వంటి వాటికి దానిమ్మ తొక్క ల పొడి బాగా సమర్ధవంతంగా పనిచేస్తుంది.
ముఖంపై ముడతలు తగ్గాలంటే దానిమ్మ తొక్కల పొడిని రోజ్ వాటర్లో కలిపి పేస్ట్ లా చేసుకుని ముఖానికి రాసి అరగంట తర్వాత శుభ్రం చేసుకుంటే చర్మం మృదువుగా మారుతుంది. దానిమ్మ పొడిని నీటిలో కలుపుకుని తాగితే… నోటి నుంచి వచ్చే చెడు వాసన మాయమవుతుంది .కొబ్బరి నూనె, బాదం నూనె వంటి వాటిలో దానిమ్మ తొక్కల పొడిని కలిపి ముఖానికి రాసుకోవడం వలన సన్ స్క్రీన్ లోషన్లా ఉపయోగపడుతుంది. ఎండ పడి చర్మం కమిలిపోకుండారక్షణ కలుగుతుంది .