Who Invented Blouse: సాధారణంగా బ్లౌజ్ చీరలో భాగంగానే మనం చూస్తాము, అయితే చీరతో కలిసి ఆధునిక బ్లౌజ్ కి ప్రాముక్యత రాకముందే మన దేశంలో బ్లౌజ్ వాడినట్లు తెలుస్తుంది, కానీ ఇది మనకు తెలిసిన బ్లౌజ్ లా కాకుండా కేవలం చాతి మీద కప్పుకునే గుడ్డ లాగా ఆడువారు ముఖ్యంగా పెళ్ళైన ఆడువారు వాడేవారు… దీనికి స్తనపట్టా అని పేరు ఉండేది. మనకు తెలిసిన బ్లౌజ్ ఆధునికి రూపం దాల్చింది మాత్రం 1860లో, దీని వెనుక ఉన్న అసలు కథ ఏంటో ఇప్పుడు మనం చూద్దాం.
Blouse designs 2023: ట్రెండింగ్ శారీ, లేహంగా బ్లౌజ్ డిజైన్స్ చూసారా.!? సూపర్ మోడల్స్..
ఆధునిక బ్లౌజ్ రూపకర్త ఎవరో తెలుసా
ఈ రోజు మనకు అనేక మోడల్స్ లో కనపడే ఆధునిక బ్లౌజ్ పుట్టింది 1860లో అని మీకు తెలుసా? రవీంద్రనాథ్ టాగోర్ కుటుంబం కు చెందిన మహిళ… జ్ఞానదానందిని ఆధునిక బ్లౌజ్ రూప కర్త. ఈమె బ్లౌజ్ తయారుచేయడానికి బ్రిటీషర్ల ప్రవర్తన భారతీయ మహిళల పట్ల వారు చూపే అగౌరమే కారణం.
సమాజంలో పేరు పలుకుబడి ఉన్న రవీంద్ర టాగోర్ కుటుంబానికి కూడా బ్రిటీషర్ల వివక్ష తప్పలేదు. టాగోర్ సోదరుడు సత్యేన్ద్రనాథ్ అప్పట్లోనే ఐసిస్ సాధించి ముంబై నుండి కోల్కత్తాకి బదిలీ అయి వచ్చారు, అక్కడే అతని భార్య జ్ఞానదానందిని ఎక్కడకు వెళ్లిన తన వస్త్రధారణ వలన అవమానాలు ఎదుర్కోవాల్సి వచ్చింది.
బ్రిటిషర్లు ఆధిపత్యం ఉండే ప్రముఖ క్లబ్స్ అన్నింటిలో వస్త్రధారణ మీద కోడ్ ఉండేది, ఇందులో భారతీయ స్టైల్ లో ఉండే బ్లౌజ్ వేసుకున్న మహిళలకు ప్రేవేశం ఉండేది కాదు. దీని వలన ఇబ్బంది పడిన జ్ఞానదానందిని ఈ పరిస్థితికి తానే మార్గం చూపాలని నిర్ణయించుకుంది. అందుకోసం విక్టోరియా ఎరా స్టైల్ లో భారత మహిళలు ధరించడానికి ఆధునికి బ్లౌజ్ డిజైన్ చేసి తానే స్వయంగా వేసుకోవడం మొదలు పెట్టింది. ఆ రోజు నుండి చాలా మహిళలు ఈమెను ఆదర్శంగా తీసుకుని అదే తరహాలో చాతిని మరియు చేతుల్ని పూర్తిగా కప్పివేసేట్లు బ్లౌజ్ కుట్టుకోవడం మొదలు పెట్టారు, అది అండి ఆలా మొదలయింది భారత దేశంలో ఆధునిక బ్లౌజ్ చరిత్ర.