USA: అమెరికాలో కదులుతున్న విమానం నుండి ప్రయాణీకులు దూకేస్తున్న ఘటనలు తరచు జరుగుతున్న సంగతి తెలిసిందే. ఈ ఘటనలు ప్రయాణీకులను, విమానాశ్రయ అధికారులను ఆందోళన కల్గిస్తున్నాయి. తాజాగా అటువంటి ఘటనే శుక్రవారం ఆమెరికాలోని లాస్ ఏంజిల్స్ అంతర్జాతీయ విమానాశ్రయంలో జరిగింది.
విషయంలోకి వెళితే…అమెరికా నుండి లాస్ ఏంజిల్స్ అంతర్జాతీయ విమానాశ్రయం నుండి శుక్రవారం రాత్రి యూనైటెడ్ ఎక్స్ ప్రెస్ ఫ్లైట్ 5365 సాల్ట్ లేక్ సిటీకి బయలుదేరింది. రాత్రి ఏడు గంటల సమయంలో టేకాఫ్ అవ్వడానికి రన్ వే పై కదిలింది. ఈ సమయంలో ఓ ప్రయాణీకుడు హాల్ చల్ చేశాడు. అకస్మాత్తుగా తన సీటు నుండి లేచి కాక్ పిట్ లోకి చొరబడేందుకు ప్రయత్నించాడు. అది సాధ్యం కాకపోవడంతో ఎమర్జెన్సీ డోరు తెరిచి బయటకు దూకేశాడు. ఈ ఘటనతో ప్రయాణీకులు ఒక్క సారిగా ఆందోళనకు గురైయ్యారు. విషయం తెలుసుకున్న విమానాశ్రయ అధికారులు అక్కడకు చేరుకుని గాయ పడిన అతనిని అదుపులోకి తీసుకున్నారు. అతనికి ప్రధమ చికిత్స చేసి ఆసుపత్రి కి తరలించారు. అతని ప్రాణానికి ఎలాంటి ప్రమాదం లేదనీ, విమానంలోని ఇతర ప్రయాణీకులకు ఎలాంటి గాయాలు కాలేదని ఎయిర్ పోర్టు అధికారులు మీడియా తెలిపారు.
Read More: Motkupalli Narasimhulu: “కారు”ఎక్కేందుకేనా కేసీఆర్ సారుకు ఆ బిజెపి నేత భజన?
కాగా ఈ ఘటనతో విమానాశ్రయ అధికారులు ఒక్కసారిగా ఉలిక్కిపడ్డారు. టేకాఫ్ కు సిద్దమైన విమానం తిరిగి గేట్ వద్దకు చేరుకుంది. ఈ ఘటనతో విమానం దాదాపు మూడు గంటల పాటు విమానాశ్రయంలోనే నిలిచిపోయింది. ఆ తరువాత సాల్ట్ లేక్ సిటీకి బయలుదేరింది. మరో వైపు ఈ ఘటనపై అధికారులు దర్యాప్తు చేపట్టారు. సదరు ప్రయాణీకుడు అలా ఎందుకు ప్రవర్తించాడు అనే విషయాలపై ఆరా తీస్తున్నారు.