Video viral: పెళ్లి బట్టలతో నవ వధువు చేసిన ఆ పనికి అందరూ షాక్ అయ్యారు..! ఇంతకూ ఆమె ఏమి చేసింది అంటే..?

Video viral: ఇటీవల కాలంలో మహిళలు, యువతులపై లైంగికదాడులకు, అత్యాచారాలకు, అఘాయిత్యాలకు గురి అవుతున్న సంగతి తెలిసిందే. ప్రభుత్వాలు ఎన్ని కఠిన చట్టాలను తీసుకువచ్చ అమలు చేస్తున్నా మృగాళ్లు రెచ్చిపోతూనే ఉన్నారు. నిత్యం ఎక్కడో ఒక చోట బాలికలు, యువతులు కామాంధుల బారిన పడుతూనే ఉన్నారు. ఇటువంటి తరుణంలో వాటిని ఎదుర్కోవాలంటే యువతులు ఆత్మరక్షణ కోసం యుద్ధ విద్యలో ప్రావీణ్యం పొందాల్సిన అవసరం ఉంది.

తమిళనాడులోని తుత్తుకుడి జిల్లాకు చెందిన నిషాకు ఇటీవల వివాహం అయ్యింది. సహజంగా వివాహ వేడుకల్లో తీన్ మార్ వాయిద్యాల నడుమ సినిమా పాటలకు యువతీ యువకులు స్టెప్ లు వేస్తూ ఆనందాన్ని పంచుకుంటారు. కొన్ని చోట్ల వధువరులు కూడా స్టెప్ లు వేసి ఆందరినీ ఆనందింపజేస్తున్నారు. అయితే ఇక్కడ వెరైటీగా నవ వధువు చేసిన  మార్షల్ ఆర్ట్స్ ప్రదర్శన చూపరులను విశేషంగా ఆకట్టుకుంది. పోకిరీల గుండెల్లో వణుకు పుట్టించేలా ఆమె ప్రదర్శన సాగింది.

Read More: ACB Trap: ఏసీబీకి చిక్కిన ఇద్దరు రెవెన్యూ అధికారులు..! లంచం ఎంత డిమాండ్ చేసారో తెలిస్తే షాక్ అవ్వాల్సిందే..!!

నిషా “సిలంబట్టం” అనే యుద్ద కళను ప్రదర్శించింది. మహిళల ఆత్మరక్షణకు యుద్ధ విద్య యొక్క ప్రాముఖ్యతను అవగాహన కల్పించేందుకే తన వివాహ వేడుకలో ఈ ప్రదర్శన నిర్వహించినట్లు నిషా తెలియజేసింది. ఆత్మరక్షణ కోసం మూడేళ్లుగా తాను మార్షల్ ఆర్ట్స్ శిక్షణ పొందినట్లు తెలిపింది. ఎక్కువ మంది యువతులు వారి ఆత్మరక్షణ కోసం ఈ విద్యను అభ్యసించాలని ఆమె విజ్ఞప్తి చేస్తున్నది. కాగా పెళ్లి బట్టలతో ఆమె చేసిన యుద్ధకళ ప్రదర్శన వీడియో సోషల్ మీడియాలో వైరల్ అయ్యింది. దీనిపై నెటిజన్ లు రకరకాలుగా కామెంట్స్ చేస్తున్నారు.

#WATCH Nisha from Thoothukudi district performed 'Silambattam', a form of martial art from Tamil Nadu, soon after her wedding ceremony on 28th June, to spread awareness about the importance of self-defense#TamilNadu pic.twitter.com/giLOPy1iDZ

— ANI (@ANI) July 1, 2021

sharma somaraju Content Editor

See Full Bio