బిగ్ బాస్ హౌస్ లో నువ్వానేనా అన్నట్టుగా రసవత్తరమైన పోటీ జరిగిన కంటెస్టెంట్ లు అంటే అది అభిజిత్ అఖిల్ అని చెప్పవచ్చు. ఇద్దరు కంటెస్టెంట్ ల మధ్య మంచి పోటీ నెలకొంది. అంతేకాకుండా స్టార్టింగ్ లో మోనాల్ కి ఇద్దరు క్లోజ్ అవ్వటంతో.. హౌస్ లో ట్రయాంగిల్ లవ్ స్టోరీ క్రియేట్ అయినట్లు పరిస్థితి ఏర్పడింది.
అయితే మధ్యలో అభిజిత్ డ్రాప్ అవటం తో సీన్ మొత్తం రివర్స్ అయ్యింది. దీంతో చాలాసార్లు హౌస్ లో మోనాల్ ఈ విషయంలో ఇద్దరి మధ్య గొడవలు చోటు చేసుకున్నాయి. ఇక ఆట చివరాకరికి వచ్చేసరికి అభిజిత్ టైటిల్ గెలవగా రన్నరప్ గా అఖిల్ నిలవటం అందరికీ తెలిసిందే. ఇదిలా ఉండగా ఇటీవల ఓ ప్రముఖ టీవీ న్యూస్ ఛానల్ ఇంటర్వ్యూలో పాల్గొన్న అఖిల్.. హౌస్ లో జరిగిన కొన్ని సంఘటనలు గురించి ప్రేక్షకులతో పంచుకొన్నాడు.
ముఖ్యంగా అభి విషయం గురించి మాట్లాడుతూ.. మోనాల్ తో గొడవలు జరిగినా కానీ .. అభి తో మాట్లాడాలని ప్రయత్నించా కానీ అతను నాకు అవకాశం ఇవ్వలేదని చెప్పుకొచ్చాడు. అంత మాత్రమే కాక అభి నుండి సరైన రెస్పాండ్ కూడా వచ్చేది కాదని చెప్పుకొచ్చారు. ఇద్దరి మధ్య సమస్యలు పరిష్కరించాలని ముందుకు వచ్చిన క్రమంలో తనకు టైం కావాలని చెప్పాడని, తర్వాత అభిజిత్ ఏమీ మాట్లాడలేదని తాజాగా ఓ ఇంటర్వ్యూలో అఖిల్ చెప్పుకొచ్చాడు. ఇదిలా ఉంటే ప్రస్తుతం సినిమా ఇండస్ట్రీలో అఖిల్ కి ప్రేమకథా నేపథ్యంలో సినిమాలు వస్తున్నట్లు ఫిలింనగర్ లో వార్తలు వస్తున్నాయి. రెండు మూడు సినిమాలు ఇప్పటికే రెడీ అయినట్లు అధికారికంగా ప్రకటించే అవకాశం ఉన్నట్లు సమాచారం.