యాంకర్ వర్షిణి.. పరిచయం అక్కర్లేని పేరు. తను ప్రస్తుతం బుల్లితెరను ఊపేస్తోంది. పాపులర్ టాలీవుడ్ యాంకర్. సినిమాల్లోనూ నటిస్తోంది. మంచి పేరు వచ్చింది. అందుకే.. చాలామంది తెలుగు సినిమా, బుల్లితెర అభిమానులు తన గురించి తెలుసుకోవడానికి ప్రయత్నిస్తున్నారు.
ఢీ షోతో పాటు పలు ప్రోగ్రామ్ లకు వర్షిణి యాంకరింగ్ చేస్తోంది. అప్పుడప్పుడు జబర్దస్త్ లోనూ మెరుస్తుంటుంది. అనసూయ, రష్మీలకు గట్టి పోటీని కూడా ఇస్తోంది.
అయితే.. యాంకర్ వర్షిణి గురించి తెలుగు ప్రేక్షకులకు కొన్ని విషయాలు తెలియవు. అసలు తన పేరు వర్షిణినే కాదు. తన అసలు పేరు షామిలి సౌందరాజన్. కానీ.. తన స్క్రీన్ పేరును అలా వర్షిణిగా మార్చుకుంది.
అలాగే.. తను తెలుగమ్మాయి కూడా కాదు. తను తమిళియన్. అవును.. తనది తమిళనాడు. కానీ.. మోడల్ గా అవకాశాల కోసం హైదరాబాద్ వచ్చి ఇక్కడే సెటిల్ అయిపోయింది. మోడలింగ్ చేస్తూనే తెలుగు కూడా చక్కగా నేర్చుకొని.. ప్రస్తుతం తెలుగు బుల్లితెరను ఏలుతోంది వర్షిణి.
మోడలింగ్ చేస్తూనే.. చందమామ కథలు అనే సినిమాలో ఆఫర్ రావడంతో ఆ సినిమాలో నటించింది. అక్కడి నుంచి అలాగే అడపాదడపా ఆఫర్లు రావడం.. బుల్లి తెర మీద కూడా యాంకరింగ్ ఆఫర్లు రావడంతో మోడలింగ్ వదిలేసి.. పర్మినెంట్ గా యాంకరింగ్ చేస్తోంది ఈ బుల్లితెర భామ.