ఫుట్ బాల్ దిగ్గజం మారడోనా మరణించారు. గుండెపోటుతో కన్నుమూసిన మారడోనా అర్జెంటీనా ఫుట్ బాల్ టీమ్ లో కీలకంగా రాణించారు. బ్రెయిన్ లో రక్తం గడ్డ కట్టడం తో ఇటీవలే సర్జరీ చేయగా ఆసుపత్రిలో కోలుకుంటున్న తరుణంలో తీవ్రమైన గుండెపోటు రావడంతో మారడోనా మరణించినట్లు అర్జెంటీనా మీడియా ప్రకటించింది.
మరికొద్ది రోజుల్లో డిశ్చార్జ్ అయి కోరుకుంటూ ఉన్న సమయంలో ఒక్కసారిగా గుండెపోటు రావడంతో ఆయన మరణించినట్లు మీడియా తెలిపింది. 1960 అక్టోబర్ 30 న అర్జెంటీనాలో మారడోనా జన్మించారు. ఫుట్ బాల్ ఆటలో “ఆల్ టైం గ్రేట్” గా పేరుగాంచారు. అర్జెంటీనాకు ఫుట్ బాల్ వరల్డ్ కప్ కూడా అందించారు మారడోనా. ఇదిలా ఉండగా ఆయన మరణ వార్త తెలియటంతో ఫుట్ బాల్ ప్రేమికులు ఎంతగానో సంతాపం వ్యక్తం చేస్తున్నారు.
సోషల్ మీడియాలో నెటిజన్లు భారీ స్థాయిలో స్పందిస్తున్నారు. అంతేకాకుండా ఫుట్ బాల్ స్టార్ ఆటగాళ్లు కూడా సోషల్ మీడియాలో మారడోనా కు నివాళులు అర్పిస్తున్నారు. ‘హ్యాండ్‌ ఆఫ్‌ గాడ్‌’ మారడోనా కెరియర్ మొత్తం లో హైలెట్. 1986 వరల్డ్ కప్ మ్యాచ్ లో ఇంగ్లాండ్ తో జరుగుతున్న క్వార్టర్ ఫైనల్ మ్యాచ్ లో మారడోనా చేసిన గోల్‌ వివాదాస్పదమైంది. అతను తన చేత్తో బంతి నెట్టాడంటూ ఇంగ్లండ్‌ ఫిర్యాదు చేసింది. అయితే అప్పుడు మారడోనా… ‘నిజంగా చేతితో ఆ గోల్‌ చేసి ఉంటే అదో అదృశ్య హస్తం’ అంటూ బదులిచ్చాడు. చరిత్రలో ఇది ‘హ్యాండ్‌ ఆఫ్‌ గాడ్‌’గా నిలిచిపోయింది.
