Bajaj Finance new year offer: నూతన సంవత్సరం సమీపిస్తున్నవేళ బజాజ్ ఫైనాన్స్ కస్టమర్లకు ఓ బంపర్ ఆఫర్ ప్రకటించింది. మీరు ఒకవేళ లోన్ తీసుకోవాలని అనుకుంటే ఇది శుభవార్తే మరి! సొంతింటి కలను సాకారం చేసుకోవడానికి హోమ్ లోన్ పొందే అవకాశం ఇపుడు మీ ముందుంది. ఈ కొత్త ఆఫర్ ఫెస్టివల్ డీల్‌ కింద ప్రకటించింది. ఇందులో భాగంగా అతి చౌక వడ్డీకే హోమ్ లోన్ పెద్దమొత్తంలో పొందొచ్చు. అవును.. చౌక వడ్డీ రేటుకే హోమ్ లోన్స్ ఆఫర్ చేస్తోంది బజాజ్. అయితే ఇది క్రెడిట్ స్కోర్ బాగున్న వారికే సుమా!
ఇక్కడ క్రెడిట్ స్కోర్ ఎంత వరకు ఉండాలి?
సిబిల్ స్కోర్ బాగుంటే కేవలం 6.65 శాతం వడ్డీ రేటుకే హోమ్ లోన్ పొందే వీలుంది. ఇక్కడ మీకు సిబిల్ స్కోర్ కనీసం 800 ఉండాలని బజాజ్ హౌసింగ్ ఫైనాన్స్ చెబుతోంది. అలాంటివారికి హోమ్ లోన్స్‌పై తక్కువ వడ్డీ రేటు బెనిఫిట్ అంటే సుమారు 6.65 శాతం వడ్డీ రేటుకే లోన్ పొందవచ్చు. అలాగే క్రెడిట్ స్కోర్ 750 నుంచి 799 మధ్యలో వున్న వారికి కూడా ఆకర్షణీయ వడ్డీ రేట్లు లభిస్తాయని, వారుకూడా రుణం కోసం అప్లై చేసుకోవచ్చని కంపెనీ వెల్లడించడం గమనార్హం.
బజాజ్ వారు ఎంతవరకు ఆఫర్ చేస్తున్నారు?
రుణ గ్రహీతలు రూ. 5 కోట్లు నుండి రూ. 10 కోట్లు వరకు కూడా హోమ్ లోన్ కింద పొందొచ్చని అంటున్నారు. అలాగే ప్రస్తుతం ఉన్న హోమ్ లోన్స్‌ను బజాజ్ హౌసింగ్ ఫైనాన్స్‌లోకి ట్రాన్స్‌ఫర్ చేసుకొనే వెసులుబాటు కల్పించింది. గవర్నమెంట్ ఉద్యోగులు లేదంటే MNC సంస్థల్లో పని చేసే ఉద్యోగులు ఈ హోమ్ లోన్ కోసం దరఖాస్తు చేసుకోవచ్చని బజాజ్ హౌసింగ్ ఫైనాన్స్ తెలిపింది. ఇక్కడ గమనించదగ్గ విషయం ఏమంటే, సుమారు 3 సంవత్సరాల అనుభవం ఖచ్చితంగా ఉండాలి. అలాగే 2022 జనవరి 26లోపు అప్లై చేసుకుంటేనే ఆఫర్ వర్తిస్తుంది అని తెలిపింది.
