పాల కూర అనేక విటమిన్లు కలిగి ఉండడం వలన ఆహారంలో తీసుకుంటే ఎన్నో ప్రయోజనాలుకలుగుతాయి. ఫోలిక్ఆసిడ్ మాంగనీస్, మెగ్నిషియం ఐరన్ తో పాటు విటమిన్ ఏ ,సీ, కే, బీ12 ఉన్నాయి. ఎముకల గట్టిపాడాలన్నా కంటి సమస్యలు రాకూడదన్నా పాలకూర తినాలి. ఎముకలు గట్టిపడేందుకు, శరీరభాగాలన్నిటికి,రక్తం సరఫరా చేసే ఎర్ర రక్తకణాల పనితీరు కోసం పాలకూర ఎంతో బాగా ఉపయోగపడుతుంది. పాలకూర తింటే శృంగారపరమైన ఆసక్తి పెరుగుతుందని నిపుణులు సూచిస్తున్నారు.
పాలకూరలో విటమిన్ ఏ ఉండడం వల్ల మెరుగై కంటి చూపు రావడం తో పాటు కంటికి సంబంధించిన వ్యాధులు కూడాదూరమవుతాయి.విటమిన్ సీ వల్ల రోగనిరోధక శక్తి మెరుగవుతుంది. వయస్సు పెరిగేకొద్ది ఎముకలు బలహీనపడటం వలన కాళ్లనొప్పులు వంటి సమస్యలు ఉన్నవారు ఆహారంలో పాలకూరను తీసుకుంటే ఎముకలు దృఢంగా ఉంటాయి.ఇందులో ఉండే ఫైబర్ వల్ల జీర్ణ సమస్యలు తగ్గి మలబద్ధకం సమస్య తీరుతుంది. బరువు తగ్గాలనుకునే వారికి కూడా పాలకూర మంచి ఫలితాన్ని ఇస్తుందనే చెప్పాలి.
గుండె, క్యాన్సర్, టైప్ 2 డయాబెటిస్, నిద్ర లేమి వంటి సమస్యలు దూరం అవుతాయి. శరీరానికి ఆక్సిజన్ అందేలా చేస్తుంది. గర్భిణీ స్త్రీలకు ఈ పాలకూర చాల మంచిది.. పాలకూరలో ఉండే పొటాషియం కండరాలను బలంగా చేస్తుంది. కండరాల సమస్య ఉన్నవారు పాలకూరని తినడం మంచిది.. పాలకూర తరుచూ తింటుంటే వయసు పెరిగినప్పటికీ యవ్వనంగానే కనిపిస్తామని శాస్త్రవేత్తలు తెలియచేస్తున్నారు. పాలకూరలో ఉండే విటమిన్ ఏ, మరియు బీటా కెరాటిన్ వల్ల వయసు కనిపించదని చెబుతున్నారు. కాబట్టి ప్రతిరోజు ఏదో రకంగా పాలకూరను ఆహారంలో తీసుకోవడం అన్ని విధాలా ప్రయోజనం ఉంటుందని నిపుణులు సూచిస్తున్నారు. కాబట్టి అందరు ఆహారం లో చేర్చుకోతగ్గ ఆకు కూరగా పాలకూరను చెపుతూ ఉంటారు.