Duplicate Spices: మన వంటకాల్లో సుగంధ ద్రవ్యాలకుచాల ప్రాధాన్యం ఉంది. ఇలాంటి పదార్థాల నాణ్యత, స్వచ్ఛతను సరిచూసిన తరువాతేకొనాలి . విడిగా లభించేవి కాకుండా, ప్యాంకింగ్ చేసిన నాణ్యమైన ఉత్పత్తులను మాత్రమే కొనాలి.సుగంధ ద్రవ్యాలకల్తీ కోసం రంపపు పొట్టు, సింథటిక్ రంగులు, వంటి వాటిని వాడుతున్నారు. ఇవి ఆరోగ్యానికి హాని కలిగిస్తాయి. ఇలాంటి ఈ కల్తీని కనిపెట్టడానికి కొన్ని మార్గాలు కూడా ఉన్నాయి.
Duplicate Spices: ఇలా చేస్తే ఈజీ గా గుర్తించవచ్చు
ఒక టీ స్పూన్ పసుపును ఒక గ్లాసు నీటిలో కలపాలి . స్వచ్ఛమైన పసుపు కలిపిన నీరు అయితే లేత పసుపు రంగులోకిమారతాయి. అది కల్తీ పసుపు అయితే, నీరుముదురు పసుపు రంగు లోకి మారిపోతుంది.
మసాలా పొడుల కల్తీ కోసం రంపపు పొట్టు ను వాడతారు. దీన్ని నీటిలో కలిపి పరీక్షించవచ్చు. ఒక గ్లాసులో నీరు తీసుకొని, దానిపై కాస్త మసాలా పొడి ని చల్లాలి. స్వచ్ఛమైన సుగంధ ద్రవ్యాలతో చేసిన పొడి ఐతే నీటి అడుగు భాగానికి చేరుతుంది. రంపపు పొట్టు కలిపినది అయితే అది నీటి పైన తేలుతూ ఉంటుంది.
ఇంగువ ధర చాలా ఎక్కువగా ఉంటుంది. దీన్ని కల్తీ చేయడానికి చెట్ల నుంచి తీసే బంకను కలిపి కల్తీ చేసే అవకాశం ఎక్కువగా ఉంది. దీన్ని తేలికగా కానీ పెట్టవచ్చు. ఒక స్టీల్ చెంచాలో కొంచెం ఇంగువ తీసుకొని నిప్పంటించాలి. స్వచ్ఛమైన ఇంగువ ఐతే కర్పూరంలా పూర్తిగా కాలిపోతుంది. ఒకవేళ కల్తీ ఇంగువ అయితే, నిప్పు వెలిగించినప్పుడు ప్రకాశవంతమైన మంట రాదు.
కారంలో కొన్ని రకాల సింథటిక్ రంగులు కలిపి కల్తీ కి పాల్పడుతూ ఉంటారు. దీన్ని చాల తేలికగా గుర్తించ వచ్చు. ఒక గ్లాసులో నీరు తీసుకొని, నీటి పై కొంచెం కారం వేయాలి. దాంట్లో కృత్రిమ రంగులు ఉంటే అవి నీటిలో కలిసిపోయి నీటి రంగు మారుతుంది. స్వచ్ఛమైన కారం ఐతే నీటిలో పూర్తిగా కరిగిపోదు.
సాధ్యమైనంత వరకు వీటిని విడిగా కాకుండా, FSSAI(ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా) ధ్రువీకరణ ఉన్న కంపెనీలవి మాత్రమే కొని వాడాలి.
