Covaxin: ప్రస్తుతం భారత దేశంలో కోవాగ్జిన్, కోవిషీల్డ్ టీకాలు అందుబాటులో ఉన్న సంగతి తెలిసిందే. కోవిషీల్డ్ టీకా ధరలను ఇప్పటికే సెరమ్ ఇన్సిట్యూట్ రెండు రోజుల క్రితం ప్రకటించింది. కాగా నేడు భారత్ బయోటెక్ సంస్థ కోవాగ్జిన్ టీకా ధరలను ప్రకటించింది., రాష్ట్ర ప్రభుత్వాలకు సరఫరా చేసే వ్యాక్సిన్ ఒక్కో డోసు ధర రూ.600లు కాగా ప్రైవేటు హాస్పటల్స్ కు ఒక్కోడోసు ధర ను రూ.1200లుగా నిర్ణయించింది. ఈ మేరకు శనివారం రాత్రి ఆ సంస్థ ఓ ప్రకటన విడుదల చేసింది. విదేశాలకు ఎగుమతి చేసే టీకా ధర 15 నుండి 20 డాలర్లు మధ్య ఉంటుందని తెలిపింది.
అయితే సెరమ్ ఇన్సిట్యూట్ ఉత్పత్తి చేసిన కోవిషీల్డ్ వ్యాక్సిన్ ధర కోవాగ్జిన్ కంటే చాలా తక్కువగా ఉంది. కోవిషీల్డ్ వ్యాక్సిన్ ఓక్కడోసు ప్రభుత్వానికి రూ.400లు, ప్రైవైటు హాస్పటల్స్ కు రూ.600లుగా నిర్ణయించిన సంగతి తెలిసిందే. రష్యాకు చెందిన స్పూత్నిక్ వి వ్యాక్సిన్ ఒక్క డోసు ధర రూ.750ల వరకూ ఉండవచ్చని వార్తలు వస్తున్నాయి. ఇప్పటికే కేంద్ర ప్రభుత్వం వ్యాక్సిన్ ఉత్పత్తి సంస్థలు వాక్సిన్ తయారీలో 50 శాతం కేంద్ర ప్రభుత్వానికి మిగిలిన 50 శాతంలో రాష్ట్ర ప్రభుత్వాలకు, ప్రైవేటు ఆసుపత్రులకు విక్రయించుకునేందుకు అనుమతులు ఇచ్చింది. ఈ ప్రతిపాదనకు వ్యాక్సిన్ ఉత్పత్తి కంపెనీలు స్వాగతిస్తూ ధరలను ప్రకటించాయి.