Janhvi Kapoor: నేడు హీరోయిన్ జాన్వీ కపూర్ పుట్టినరోజు. దీంతో ఆమెకు శుభాకాంక్షలు తెలియజేస్తూ చాలామంది సెలబ్రిటీలు సోషల్ మీడియాలో కామెంట్లు చేస్తున్నారు. ఇదే సమయంలో ఎన్టీఆర్ తో “దేవర” మూవీలో జాన్వీ కపూర్ హీరోయిన్ గా నటిస్తుండటంతో.. ఆమెకు సంబంధించి స్పెషల్ పోస్టర్ రిలీజ్ చేసి “దేవర” యూనిట్ పుట్టినరోజు శుభాకాంక్షలు తెలియజేయడం జరిగింది. ట్రెడిషనల్ లుక్ లో జాన్వీ కపూర్ పోస్టర్ ఉంది. దివంగత స్టార్ హీరోయిన్ శ్రీదేవి కూతురిగా బాలీవుడ్ ఇండస్ట్రీలో మొదట హీరోయిన్ గా ఎంట్రీ ఇచ్చిన జాన్వీ అతి తక్కువ కాలంలోనే మంచి పాపులారిటీ సంపాదించింది.
ఒకపక్క తన అందాలతో మరోపక్క తన నటనతో.. ఎంటర్టైన్మెంట్ ప్రేక్షకుల హృదయాలలో చోటు దక్కించుకుంది. హిందీలో అనేక సినిమాలు చేసిన ఈ ముద్దుగుమ్మ సౌత్ ఫిలిం ఇండస్ట్రీలో మొట్టమొదటిసారి తెలుగులో అది ఎన్టీఆర్ నటిస్తున్న “దేవర” సినిమాలో హీరోయిన్ గా చేస్తోంది. ఎన్టీఆర్ “దేవర” రెండు భాగాలుగా రాబోతుంది. రెండిటిలోనూ జాన్వీ కపూర్… కనిపించనుంది. మొదటి భాగం ఏప్రిల్ 5వ తారీఖు విడుదల కావాల్సింది కొన్ని అన్నివార్యాల కారణాలవల్ల దసరాకి పోస్ట్ పోన్ అయ్యింది. ఈ ఏడాది అక్టోబర్ 10వ తారీకు.. “దేవర” రిలీజ్ కాబోతోంది. తెలుగులో జాన్వీ కపూర్ నటిస్తున్న తొలి సినిమా కావటంతో ఈ సినిమాపై భారీ అంచనాలు ఉన్నాయి.
ఇక రెండో సినిమా రామ్ చరణ్ హీరోగా బుచ్చిబాబు దర్శకత్వంలో నటిస్తున్న సినిమాలో ఛాన్స్ అందుకుంది. మరి కొద్ది రోజుల్లో ఈ సినిమా రెగ్యులర్ షూటింగ్ స్టార్ట్ కానుంది. నేడు జాన్వీ కపూర్ పుట్టినరోజు సందర్భంగా ఒకపక్క “దేవర” సినిమా యూనిట్ మరోపక్క..”RC16″ మూవీ యూనిట్ బర్త్ డే విషెస్ తెలియజేస్తూ ఆమె స్పెషల్ పోస్టర్స్ రిలీజ్ చేశారు. టాలీవుడ్ లో బ్యాక్ టు బ్యాక్ ఇద్దరు టాప్ మోస్ట్ హీరోలతో జాన్వీ కపూర్ అవకాశాలు అందుకోవటంతో ఆమె అభిమానులు ఫుల్ హ్యాపీగా ఉన్నారు.