Fish : ప్రపంచంలో వింతలు, విడ్డూరాలకు కొదవే లేదు.. మూడు కళ్లతో ఉన్న చేపను ఎప్పుడైనా చూశారా.. ఈ వింత సంఘటన ప్రకాశం జిల్లాలో చోటు చేసుకుంది.. ప్రకాశం జిల్లా సముద్ర తీరంలో వింత చేప కలకలం రేపింది..
చూడటానికి తెల్లగా రాయి ఆకారంలో మూడు కళ్ళతో కేజీన్నర బరువు ఉంది.. సముద్రం ఒడ్డున ఎంత ఆకారంలో ఉన్న చేప కనిపించడంలో మత్స్యకారులు పరిశీలించారు.. ముందు దానిని పట్టుకోవడానికి సంకోచించినా తరువాత ధైర్యం చేసి దగ్గరికి వెళ్లి దానిని పట్టుకొని చూడగా రబ్బరులా సాగడంతో మత్స్య కారులు అవాక్కయ్యారు . గతంలో ఎప్పుడూ ఇలాంటి చేపను చూడలేదని అంటున్నారు.
ఈ చేప విచిత్రం గా ఉండడంతో చూసేందుకు చుట్టుపక్కల నుండి గ్రామాల ప్రజలు వస్తున్నారు. ఈ చేపను చీరాల మత్స్య శాఖ అధికారి పరిశీలించారు . వారు కూడా కూడా గతంలో ఎప్పుడూ ఇలాంటి చేపను చూడలేదని చెబుతున్నారు. ఈ చేప కు సంబంధించిన వివరాలను తెలుసుకునేందుకు నిపుణులకు చూపిస్తే క్లారిటీ వస్తుందని అంటున్నారు మత్స్య శాఖ అధికారులు స్పష్టం చేశారు.