బ్రేకింగ్ ..జపాన్ మాజీ ప్రధాని షింజో అబే దారుణ హత్య..?

జపాన్ మాజీ ప్రధాని షింజో అబే పై కాల్పులు జరిపారు. జపాన్ నగరంలోని ఓ వీధిలో ఆయన ప్రసంగిస్తుండగా ఓ దుండగుడు దాడి చేసి కాల్పులు జరిపినట్లు జపాన్ కు చెందిన ప్రముఖ వార్త సంస్థ పేర్కొంది. యువకుడు కాల్పులు జరపడంతో ఆయన అక్కడికక్కడే కుప్పకూలిపోయారు. ఈ ఘటనలో ఆయన అక్కడికక్కడే మృతి చెందినట్లు వార్తలు వినబడుతున్నాయి. అయితే అక్కడి స్థానిక మీడియా మీడియా మాత్రం అబేకు తీవ్ర రక్తస్రావం అయినట్లు పేర్కొంది. ఆయన పరిస్థితి విషమంగా ఉందని ఆసుపత్రికి తరలిస్తుండగా మార్గమధ్యలోనే మరణించినట్లు సమాచారం అందుతోంది.

కాల్పులు జరిపిన యువకుడిని అక్కడి పోలీసులు అదుపులోకి తీసుకున్నారు. అయితే అబే మృతిపై ఇంకా అధికారికంగా ప్రకటన వెలువడలేదు. పలు మీడియా సంస్థలు జపాన్ మాజీ ప్రధాని అబే కాల్పుల్లో అక్కడికక్కడే మృతి చెందినట్లు వార్తలు ప్రసారం చేయగా, మరి కొన్ని మీడియా సంస్థలు ఆయన ప్రాణాపాయ స్థితిలో ఆసుపత్రిల చికిత్స పొందుతున్నారని పేర్కొంటున్నాయి. దీనికి సంబంధించి అధికారిక సమాచారం వెలువడాల్సి ఉంది.