ప్రస్తుత తరుణంలో ఎక్కడ చూసినా ఆధార్ కార్డు అవసరం వస్తోంది. కేంద్ర, రాష్ట్ర ప్రభుత్వాలు అందించే అనేక సంక్షేమ పథకాలను పొందేందుకు, ఇతర అనేక అవసరాలకు ఆధార్ కార్డు కావల్సి వస్తోంది. ఈ క్రమంలోనే ప్రతి ఒక్కరూ ఆధార్ కార్డులను ఎప్పుడూ వెంట ఉంచుకుంటున్నారు. కానీ ఆధార్ లేకపోయినా ఈ-ఆధార్తో వెరిఫికేషన్ చేయించుకోవచ్చు. అయితే ఈ-ఆధార్ను మనం రెండు రకాలుగా డౌన్లోడ్ చేసుకోవచ్చు. యాప్ లేదా వెబ్సైట్లో ఎన్రోల్మెంట్ నంబర్ లేదా ఆధార్ నంబర్తో ఈ-ఆధార్ కార్డ్ను డౌన్లోడ్ చేసుకోవచ్చు. అలాగే ఫేస్ వెరిఫికేషన్ ద్వారా కూడా ఆధార్ కార్డ్ను డౌన్లోడ్ చేసుకోవచ్చు.
యూఐడీఏఐ దేశంలో ఆధార్ కార్డుదారులకు కొత్త సదుపాయాన్ని అందుబాటులోకి తెచ్చింది. ఫేస్ ఆథెంటికేషన్ ద్వారా ఈ-ఆధార్ కార్డులను డౌన్లోడ్ చేసుకోవచ్చు. అందుకు కింద సూచించిన స్టెప్స్ ను అనుసరించాలి.
1. యూఐడీఏఐ అధికారిక వెబ్సైట్ను ఓపెన్ చేయాలి.
2. హోం పేజీలో కింది భాగంలో గెట్ ఆధార్ కార్డ్ అనే ఆప్షన్ ఉంటుంది. దానిపై క్లిక్ చేయాలి.
3. ఆధార్ కార్డ్ సెక్షన్ లో కనిపించే ఫేస్ ఆథెంటికేషన్ అనే ఆప్షన్ను ఎంచుకోవాలి.
4. మొబైల్ నంబర్, కాప్చా కోడ్లను ఎంటర్ చేయాలి.
5. మీ ముఖాన్ని ఆథెంటికేషన్ ప్రాసెస్ ద్వారా వెరిఫై చేయాలి.
6. ఓకే బటన్పై క్లిక్ చేయాలి. యూఐడీఏఐ మీ ఫొటోను ఆటోమేటిగ్గా తీస్తుంది.
7. ఫొటో క్లిక్ అయి వెరిఫై అయ్యాక ఈ-ఆధార్ కార్డ్ను డౌన్లోడ్ చేసుకోవచ్చు.
ఈ విధంగా ఫేస్ వెరిఫికేషన్తో ఈ-ఆధార్ కార్డును ఎప్పుడైనా డౌన్లోడ్ చేసుకోవచ్చు.