Household tips: తెల్లవారిన తరువాత స్కూల్స్ కి ఆఫీస్ కి టైం అయిపోతుందని కంగారు పడకుండా ఉండాలంటే ఇలా చేసి చూడండి . మీకు సెలవు రోజే అంటే శనివారం,ఆదివారం శెలవు అయిన వారయిన లేదా ఒక్క ఆదివారమే సెలవు అనుకున్నవారయినా కూడా శనివారం మీ వారానికి సరిపడా ప్లాన్ వేసుకోండి. అంటే ఆ వారం లో ఏ రోజు ఏ టిఫిన్ వెయ్యాలి. ఏ కూర చేయాలి స్నాక్స్ వంటివి ముందుగా రాసి పెట్టుకుంటే, మీకు కంగారు ఉండదు.
రోజు ఆఫీస్ కి వెళ్లే ముందు ఒక్కసారి ఆ లిస్ట్ చూసుకుంటే రేపటికి కావలిసినవి ఉన్నాయో లేవో చూసుకుని కావలిసినవి ఏమైనా ఉంటే మీరో మీ వారో తెచ్చేసుకోవచ్చు. కిచెన్ లో ఎప్పుడు ఒక బుక్ పెన్ ఉంటే ఏ వస్తువు అయిపోయిన వెంటనే రాసి పెట్టుకోవడం వలన మీకు చాల ఉపయోగపడుతుంది. ఇక ఆఫీస్ నుండి ఇంటికి వచ్చాక కొంచెం సేపు రెస్ట్ తీసుకున్న తర్వాత మీకు ఇష్టమైన భక్తి పాటలు ,ప్రవచనాలు ,మోటివేషన్ స్పీచెస్ లేదా సినిమా పాటలు పెట్టుకుని మీ పని అంతా ముగించేసుకోండి.
పని టైం లో మాత్రం ఎట్టి పరిస్థితులలో కూడా సోషల్ మీడియాలోకి వెళ్ళకండి. అది మీ సమయాన్ని బాగా తినేస్తుంది. పని అయ్యాక తీరికగా కూర్చుని చూసుకోండి కానీ నిద్ర ను అశ్రద్ద చేయవద్దు. ఇంకా రాత్రి భోజనాలు అయ్యాక గిన్నెలు తోమేసుకుని వంటగది అంతా శుభ్రం గా ఉంచుకోండి. వంట గదిలో చెత్త అంతా బయట పెట్టేయండి. రేపు వంటకి కావలిసిన బియ్యం ,పప్పులు ,కూరగాయలు తీసి పెట్టుకోండి. ఉతకవలిసిన బట్టలు వాషింగ్ మెషిన్ లో రాత్రివేసి ఉంచేయండి.
తెల్లారే లేవగానే ఆన్ చేసుకోవడానికి తేలికగా ఉంటుంది. చేతితో ఉతికే వారయితే బాగా మురికి ఉన్న బట్టలు రాత్రి సర్ఫ్ లో నానా బెట్టుకుంటే ఉదయం పని తేలికవుతుంది. ఇక రోజు ఉదయం మీరు లేచే టైం కి ఒక అరగంట ముందే లేవండి.అంటే 5.30 కి లెవలిసి ఉంటే 5 గంటలకే లేవండి.అది మీకు ఎంతో హెల్ప్ అవుతుంది.