Hyderabad City Police : బ్రహ్మానందం.. వెండితెరపై బ్రహ్మీ కనిపించగానే నవ్వుల పువ్వులు వికసిస్తాయి.. తెలుగు చలన చిత్ర పరిశ్రమలో ప్రముఖ హాస్యనటుడిగా తనకంటూ ప్రత్యేక గుర్తింపును సంపాదించుకున్నారు.. బ్రహ్మానందం సినిమాల్లో చేసే కామెడీకి ఫిదా అవ్వాల్సిందే ఎవ్వరైనా.. బ్రహ్మానందం మీమ్స్ గురించి ప్రత్యేకంగా చెప్పనవసరం లేదు.. తాజాగా హైదరాబాద్ నగర పోలీస్ శాఖ బ్రహ్మానందం మీమ్స్ తో చేసిన స్పెషల్ వీడియో అందరినీ ఆకట్టుకుంటుంది.. ఈ వీడియో సోషల్ మీడియాలో హల్చల్ చేస్తోంది..
సమాజంలో జరుగుతున్న మోసాలు గురించి ప్రజలకు అవగాహన కల్పించేందుకు నగర పోలీస్ శాఖ ప్రత్యేక పద్ధతులు అనుసరిస్తోంది. ఫోటోలు, వీడియోలతో తరచు ప్రజలను అప్రమత్తం చేసిన హైదరాబాద్ నగర పోలీసు శాఖ తాజాగా ఒక స్పెషల్ వీడియో అందర్నీ ఆలోచింపజేస్తుంది..ఆన్లైన్ వేదికగా ఉద్యోగాల పేరుతో జరుగుతున్న మోసాల వలలో చిక్కుకొని చివరికి ఆ బాధితులు పోలీసులను ఆశ్రయిస్తున్నారు. ఇటువంటి ఘటనలు ఇటీవల కాలంలో తరచూ చూస్తూనే ఉన్నాం.. అలాంటి మోసాల పట్ల ప్రతి ఒక్కరికి అవగాహన కల్పిస్తూ ప్రముఖ హాస్యనటుడు బ్రహ్మానందం నటించిన సినిమా లోని కామెడీ సీన్స్ తో హైదరాబాద్ సిటీ పోలీస్ విభాగం Beware of Fraud Jobs ప్రత్యేక వీడియో ని క్రియేట్ చేసింది. తాజాగా ఈ వీడియోని ట్విట్టర్ వేదికగా షేర్ చేసింది. ఉద్యోగాల పేరుతో జరుగుతున్న మోసాలు గురించి ఆ వీడియోలో చూపించారు. ప్రస్తుతం ఈ వీడియో నెట్టింట్లో చక్కర్లు కొడుతోంది..
Beware Of Fraud Jobs pic.twitter.com/45c11YmqcA
— హైదరాబాద్ సిటీ పోలీస్ Hyderabad City Police (@hydcitypolice) March 3, 2021