మంచి ఉద్యోగం… అంతకంటే మంచి భార్య… చక్కగా సాగుతున్న సంసారంలోకి మరో యువతి అడుగుపెట్టింది. వివాహేతర సంబంధానికి దారితీసింది. భర్త, ఈ యువతి కలిసి చాలా కాలం గడిపారు. హోటళ్ళకి తిరిగారు. ఈ లోగా ఈ వ్యవహారం తెలిసిన భార్య ఉరి వేసుకుని ఆత్మహత్య చేసుకుంది. ఈ ఘటన హైదరాబాద్ శివారు శంషాబాద్ లో సంచలనం సృష్టించింది. ఈ భర్త వెంకటేశ్వరరావు ని పోలీసులు ఈరోజు అరెస్టు చేశారు. కటకటాల పాలు చేశారు.
ఈయన హైదరాబాద్ లోనే ఎయిర్ ఫోర్స్ లో పైలెట్ గా ఉద్యోగం చేస్తుంటారు. అదే విభాగంలో ఎయిర్ హోస్టెస్ గా పని చేసే ఓ యువతితో సాన్నిహిత్యం ఏర్పడి చాలా కాలంగా బాగోతం నడుపుతున్నారు. ఈ విషయాన్ని ఆలస్యంగా గుర్తించిన భార్య తట్టుకోలేకపోయింది. భర్త చేస్తున్న అరచకాన్ని వీడియో రూపంలో చెప్పి, తన ఫేస్ బుక్ ఖాతాలో పోస్టు చేసి ఆత్మహత్య చేసుకుంది. ఈ ఘటనని సీరియస్ గా తీసుకున్న పోలీసులు ఒక్కరోజు వ్యవధిలోనే అతన్ని అరెస్టు చేశారు. ప్రస్తుతం ఈ కేసు వ్యవహారం హైదరాబాద్ లో సంచలనంగా మారింది. లావణ్య వీడియో ని చూసిన లక్షలాది మంది ఆమెకు మద్దతుగా మారారు.
