International Yoga Day: ప్రపంచానికి భారతదేశం అందించిన అద్భుతాలలో యోగా ఒకటి.. మానవ మానసిక, శారీరక ప్రశాంతతకు, ఆరోగ్యానికి యోగ ఎంతగానో ఉపయోగపడుతుంది. కాబట్టే ప్రపంచవ్యాప్తంగా ఉన్న అన్ని దేశాలు యోగాను పాటిస్తున్నాయి.. నేడు “అంతర్జాతీయ యోగ దినోత్సవం”..!! ఈరోజు 7వ అంతర్జాతీయ దినోత్సవాన్ని ప్రపంచవ్యాప్తంగా అందరూ జరుపుకుంటున్నారు.. ఈ సందర్భంగా ప్రధానమంత్రి నరేంద్ర మోదీ దేశ ప్రజలను ఉద్దేశించి ప్రసంగించారు..!!
Read More: Civilized Model 1: సైకిల్ కాదిదీ బైక్.. ఫీచర్స్ చూసేయండి..
ఈ సంవత్సరం అంతర్జాతీయ యోగా దినోత్సవం ” క్షేమం కోసం యోగ” థీమ్ తో జరుపుకుంటున్నామని ప్రధానమంత్రి నరేంద్ర మోడీ తెలిపారు. ప్రపంచమంతా కరోనాతో పోరాడుతుందని.. ఈ మహమ్మారిని ఓడించగలమన్న నమ్మకాన్ని యోగ అందిస్తుందన్నారు. ఒత్తిడిని తగ్గించడంలో, శారీరక బలాన్ని పెంపొందించడంలో యోగ కీలక పాత్ర పోషిస్తుందని తెలిపారు. పబ్లిక్ హెల్త్ కేర్ విషయంలో కూడా యోగ ఎంతగానో దోహదపడుతుందని అన్నారు. యోగాపై ప్రజలందరికీ ఆసక్తి పెరిగిందని మోడీ వివరించారు.
అలాగే ఉపరాష్ట్రపతి వెంకయ్య నాయుడు ఆయన సతీమణి తో కలిసి యోగా సాధన చేశారు..!! యోగాతో సంపూర్ణ ఆరోగ్యం అనే ఇతివృత్తంతో జరుపుకుంటున్న ఈ ఏడాది అంతర్జాతీయ యోగా దినోత్సవాన్ని పురస్కరించుకుని ప్రతి ఒక్కరూ తమ జీవితంలో యోగాభ్యాసం చేయాలని కోరారు ఆరోగ్యంతోపాటు మానసిక ఆరోగ్యాన్ని పెంపొందించుకునేందుకు యోగా ఎంతగానో ఉపయోగపడుతుందని ఉపరాష్ట్రపతి సూచించారు.