ప్రస్తుతం ఈటీవీలో టాప్ లో ఉన్న షో ఏంటంటే.. Alitho Saradaga. ఈ షో ప్రారంభం అయిన కొత్తలో పెద్దగా ప్రేక్షకాదరణ పొందలేదు. ఆలీతో జాలీగా పేరుతో ప్రారంభం అయిన ఈ షోకు ప్లస్ పాయింట్ ఆలీ. ఆయన నటుడిగా, కమెడియన్ గానే మనందరికి తెలుసు. కానీ.. ఈ షోతో తనేంటో.. తన లేవల్ ఏంటో అందరికీ అర్థం అయింది.
తర్వాత ఈ షో పేరును ఆలీతో సరదాగా అంటూ మార్చేశారు. ఇండస్ట్రీకి చెందిన ముఖ్యమైన నటులను పిలిచి.. ఆలీ ఇంటర్వ్యూలు చేస్తుండటంతో ఈ షోకు పాపులారిటీ పెరిగిపోయింది. సీనియర్ నటులు, అలనాటి నటులు, సినిమా ఇండస్ట్రీకి దూరంగా ఉన్నవాళ్లు.. ఇండస్ట్రీలో అవకాశాలు లేని వాళ్లు, బుల్లితెర నటులు.. ఇలా అందరినీ పిలిచి వాళ్లతో సరదగా కాసేపు ఆలీ ముచ్చటిస్తారు. గెస్టులు కూడా తమ వ్యక్తిగత, సినిమా విశేషాలను ఆలీతో పంచుకుంటారు.
Alitho Saradaga షోలో ఈ వారం గెస్టులుగా కృష్ణ భగవాన్, పృథ్వీ రాజ్
అయితే ఈ షోకు ఈ వారం గెస్టులుగా కృష్ణ భగవాన్, పృథ్వీ రాజ్ వచ్చారు. వాళ్లిద్దరూ తెలుగు ఇండస్ట్రీలో పెద్ద కమెడియన్లు. వీళ్లతో పాటు అలీ కూడా కమెడియన్ కావడంతో.. ఈ సారి ఎపిసోడ్ లో ముగ్గురు కమెడియన్లు కలిసి షోను ఎక్కడికో తీసుకుపోయారు. ముగ్గురు కమెడియన్లు ఒక చోట కలిస్తే ఎలా ఉంటుందో అందరికీ తెలుసు. ఈ షోలో కూడా ముగ్గురు కలిసి కాసేపు తమ సినిమాల గురించి చర్చించుకున్నారు.
దానికి సంబంధించిన ప్రోమోను తాజాగా విడుదల చేశారు. ఇంకెందుకు ఆలస్యం.. మీరు కూడా ఆలీతో సరదాగా లేటెస్ట్ ప్రోమోను చూసి ఎంజాయ్ చేయండి.
