Radhe shyam: నమ్మకం లేని కాన్సెప్ట్‌తో ఎందుకు పాన్ ఇండియా సినిమా చేశారు..ప్రభాస్‌కు నెటిజన్స్ సూటిప్రశ్న

Radhe shyam: నమ్మకం లేని కాన్సెప్ట్‌తో ఎందుకు పాన్ ఇండియా సినిమా చేశారు.. అని నెటిజన్స్ ప్రభాస్‌కు సూటిప్రశ్న వేస్తున్నారు. ఆయన హీరోగా నటించిన తాజా చిత్రం ‘రాధేశ్యామ్’. ఈ సినిమా మార్చి 11న థియేటర్లోలో విడుదలవుతుంది. పూజా హెగ్డే హీరోయిన్‌గా నటించారు. రాధా కృష్ణ కుమార్ దర్శకత్వం వహించిన ఈ సినిమా ప్రమోషన్స్ జరుగుతున్నాయి. దీనిలో భాగంగా ఆయన ఫ్యూచర్ ప్రాజెక్ట్స్ అలాగే, పర్సనల్ విషయాలు చాలా చెప్పుకొస్తున్నారు. చాలా ఏళ్ళ తర్వాత ప్రభాస్ పాన్ ఇండియన్ సినిమాగా ‘రాధేశ్యామ్’ సినిమాను చేసిన సంగతి తెలిసిందే. ఇందులో ప్రభాస్ పామిస్ట్(హస్త సాముద్రిక నిపుణుడిగా) కొత్త తరహా పాత్రలో కనిపించబోతున్నారు.

ఆయన కెరీర్‌లో ఇప్పటి వరకు చేయని ఓ సరికొత్త పాత్ర పామిస్ట్. దాంతో అభిమానులతో పాటుగా అందరిలోనూ ఎంతగానో అంచనాలు ఏర్పడ్డాయి. ఇక 7 భాషలలో ఈ సినిమా రిలీజ్ కానున్న నేపథ్యంలో కథా నేపథ్యానికి సంబంధించిన ప్రశ్నలు ప్రమోషన్స్‌లో ప్రభాస్‌ను అడుగుతున్నారు మీడియా వారు. ఇప్పటికే ముంబై, చెన్నైలలో ప్రమోషన్స్ పూర్తి చేశారు ప్రభాస్. తాజాగా హైదరాబాద్‌లోనూ ‘రాధేశ్యామ్’ ప్రమోషన్స్ మొదలు పెట్టారు. అయితే, ఈ సినిమాలో సెలబ్రిటీల నుంచి దేశ ప్రధాని వరకు విక్రమాదిత్య చెప్పింది వింటారు. విధికి ప్రేమకు మధ్య జరిగే యుద్ధం అనే సరికొత్త కథా నేపథ్యంలో ఈ సినిమాను రూపొందించారు. ఇక జాతకాలు, అవి నిర్ణయించే పరిస్థితుల కారణంగా ఓ ప్రేమ జంట ఎలాంటి కష్ఠాలను ఎదుర్కొంది?.. చివరికి విధి అంచనాలని ఎలా తలకిందులు చేసి తన పంతం నెగ్గించుకుంది అన్నదే చిత్ర కథ.

Radhe shyam: ఫిక్షన్ కథాంశాలతో సినిమాలు చేస్తున్న హీరో ప్రభాస్ ఒక్కడే కాదు..!

అయితే, ‘రాధేశ్యామ్’ సినిమా కథ ఏ అంశం ప్రధానంగా సాగుతుందో అదే అంశం మీద జాతకాలపై తనకు నమ్మకం లేదని ప్రభాస్ తాజాగా మీడియా వారికి ఇచ్చిన ఓ ఇంటర్వ్యూ లో చెప్పడం అందరిని షాక్ కు గురిచేసింది. ఈ సినిమాలోని పాత్రకు నేను పూర్తి భిన్నం అని ప్రభాస్ చెప్పాడు. అంటే నేను అసలు జ్యోతిష్యాన్ని నమ్మనని క్లారిటీ ఇచ్చాడు. దాంతో నమ్మకం లేని అంశాన్నే కథగా సినిమా చేసేందుకు ఎలా ఒప్పుకు న్నారు.. మరి ఈ కథలో మిమ్మలిని ఆకట్టుకున్న అంశం ఏంటీ..ఇది పీరియాడికల్ బ్యాక్‌డ్రాప్‌లో ఇంత భారీ బడ్జెట్ పెట్టి తీయడానికి కారణం ఏంటి అని మీడియా వారు రక రకాల ప్రశ్నలు వేస్తున్నారు. అలాగే, నెటిజన్స్ కూడా దీనిపై కామెంట్స్ చేస్తున్నారు. అయితే, ఫిక్షన్ కథాంశాలతో సినిమాలు చేస్తున్న హీరో ప్రభాస్ ఒక్కడే కాదు..దాదాపు అందరు హీరోలు చేసేది ఇలాంటి కథలతోనే అని అభిమానులు అంటున్నారు.