Renu Desai: చాలా సంవత్సరాల గ్యాప్ తర్వాత సిల్వర్ స్క్రీన్ పై రేణు దేశాయ్ ఇటీవల దర్శనం ఇవ్వటం తెలిసిందే. మాస్ మహారాజ రవితేజ నటించిన “టైగర్ నాగేశ్వరరావు” సినిమాలో లవణం అనే పాత్ర చేయడం జరిగింది. ఈ క్రమంలో రేణు వరుస ఇంటర్వ్యూలతో.. సందడి చేస్తూ ఉంది. ఈ క్రమంలో మాజీ భర్త జనసేన అధినేత పవన్ కళ్యాణ్ గురించి యాంకర్ రేణు దేశాయ్ నీ ప్రశ్నించడం జరిగింది. పవన్ ముఖ్యమంత్రి అవుతారా.. అని యాంకర్ ప్రశ్నించగా రేణు స్పందిస్తూ..”ఈ ప్రశ్నలు వద్దు. అసలు ఆయన గురించి నన్ను ప్రశ్నించకండి. ఆయన సీఎం అవుతారా లేదా అనేది నాకు సంబంధం లేదు.
అదేవిధంగా నేను ఏమి కోరుకోవడం లేదు. ఎందుకంటే దేవుడే నిర్ణయిస్తాడు. నేను ఎవ్వరు చెప్పడానికి..? ఎవరికి ఏం రాసి ఉందో అదే జరుగుతుంది అని.. రేణు దేశాయ్ సమాధానం ఇచ్చింది. ఈ క్రమంలో యాంకర్ అయితే మీరు ఆయన విషయంలో ఎలాంటి స్టాండ్ తీసుకోరా అని తిరిగి ప్రశ్నించింది. దీనికి రేను స్పందిస్తూ నేను ఎలాంటి స్టాండ్ తీసుకోదల్చుకోలేదు. నేను ఆయన విషయంలో ఏదైతే చెప్పాను అన్ని నిజాలు చెప్పాను. ఆ విడాకులు గురించి మొన్న మాట్లాడినప్పుడు అన్ని నిజాలే చెప్పాను. కావాలంటే లైవ్ డిటెక్టివ్ పెట్టిన నిజాలే వస్తాయి. కానీ నేను ఎవరికి స్టాండ్ తీసుకోను. ఎవరి గురించి క్యాంపెయిన్ కూడా చేయను. నాకు అనిపించింది చెప్పేసాను అక్కడితో అయిపోయింది. దానికంటే ఎక్కువ తక్కువ ఏమీ లేవు అంటూ.. రేణు దేశాయ్ కీలక వ్యాఖ్యలు చేయడం జరిగింది.
ఇదిలా ఉంటే ఆంధ్రప్రదేశ్ రాష్ట్రంలో జనసేన తెలుగుదేశం పార్టీతో కలిసి వచ్చే ఎన్నికలలో పోటీ చేస్తుంది. ఆంధ్రప్రదేశ్ రాష్ట్రంలో వైసీపీ పార్టీని గద్దె దించడమే తన లక్ష్యమని పవన్ తెలియజేయడం జరిగింది. ఈ క్రమంలో ప్రభుత్వ వ్యతిరేక ఓటు చీలకూడదు అని అందువల్ల తెలుగుదేశంతో కలిసి వచ్చే ఎన్నికలలో పోటీ చేస్తున్నట్లు పవన్ స్పష్టం చేశారు. ఈ క్రమంలో పవన్ ముఖ్యమంత్రి అవుతారా లేదా అన్నది ఏపీ రాజకీయాలలో ఆసక్తికరంగా మారింది.