RRR: తన సినిమాను ప్రమోట్ చేయడం కోసం దర్శక ధీరుడు ఎస్ ఎస్ రాజమౌళి ఎప్పటికప్పుడు కొత్త ఆలోచనలతోనే అంచనాలను పెంచేస్తుంటారు. ప్రతీ సినిమాకు హైలెట్‌గా నిలుస్తూ వస్తుంది జక్కన్న మార్క్ ప్రమోషన్స్. బాహుబలి లాంటి పాన్ ఇండియన్ సినిమా తర్వాత మళ్ళీ అదే పాన్ ఇండియన్ సినిమాతో కొత్త సంచలనాలను క్రియేట్ చేసేందుకు రెడీ అవుతున్నారు. ఇండియాస్ మోస్ట్ అవైటెడ్ మూవీ ఆర్ఆర్ఆర్ రిలీజ్ కౌంట్ డౌన్ తాజాగా మొదలైంది.
ఇంకా ఈ సినిమా రిలీజ్ కి సమయం కేవలం నాలుగు రోజులే ఉంది. దాంతో రోజులు దగ్గరపడుతున్న కొద్ది మెగా-నందమూరి అభిమానుల్లో మరింత ఆసక్తి కనిపిస్తుంది. మరోవైపు భారీ స్థాయిలోనూ ప్రచార కార్యక్రమాలు నిర్వహిస్తున్నారు. మెట్రో సిటీలన్నింటిని చరణ్-తారక్-రాజమౌళి కలిసి చుట్టేస్తూ సినిమాపై అసాధారణంగా అంచనాలు పెంచేస్తున్నారు. ఇటీవల బెంగుళూరులో జరిగిన ప్రమోషన్స్ ఈ సినిమాపై భారీగా అంచనాలు పెంచేసింది. రెండు తెలుగు రాష్ర్టాల ప్రభుత్వాలు ఈ సినిమాకు టిక్కెట్ ధరలు పెంచుకునే వెసులుబాటు కల్పించడంతో సినిమాకి ఇంకా పాజిటివ్ వైబ్స్ కనిపిస్తున్నాయి.
RRR: రెండు పోస్టర్స్ ఇప్పుడు నెట్టింట చక్కర్లు కొడుతూ బాగా వైరల్ అవుతున్నాయి.
ఒకవైపు నెటిజస్ నుంచి టికెట్ రేట్ పెంచిన విషయంలో ట్రోల్ వస్తున్నా చిత్రబృందం మాత్రం ఆనందంలో మునిగిపోయింది. ప్రపంచ వ్యాప్తంగా ఆర్ఆర్ఆర్ మార్చి 25న రిలీజ్ అవుతోంది. ఈ నేపథ్యంలో సినిమాకి సంబంధించిన మరో రెండు కొత్త పోస్టర్లని మేకర్స్ వదిలారు. అల్లూరి సీతారామరాజు పాత్ర పోషిస్తున్న రామ్ చరణ్ కాప్ యూనిఫాంలో లాఠీ చేత పట్టుకుని ప్రత్యర్ధులపై విరుచుకుపుడుతున్నట్టూ ఉన్న పోస్టర్ ను వదిలారు. అలాగే, కొమరం భీమ్ పాత్ర పోషిస్తున్న తారక్ పోస్టర్‌ను వదిలారు. ఈ రెండు పోస్టర్స్ ఇప్పుడు నెట్టింట చక్కర్లు కొడుతూ బాగా వైరల్ అవుతున్నాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!