Negative energy :ఇల్లు శుభ్రంగా ఉండడానికి మానసిక ప్రశాంతతకు చాలా చాలా దగ్గర సంబంధం ఉంది. ఇంట్లో నెగిటివ్ ఎనర్జీ ఉంటే ప్రశాంత అనేది అసలు ఉండదు.కాబట్టి ఇల్లు ఎప్పుడు శుభ్రం గా ఉండడం తో పాటు ఎక్కడ వస్తువులు అక్కడ పొందికగా పెట్టుకోవాలి. మనసు బాగుండడానికి ఇంటి వాతావరణం బాగుండేలా చూసుకోవాల్సిన అవసరం చాలా ఉంది. ముందుగా ఇంట్లోకి గాలి వెలుతురు బాగా వచ్చేలా కిటికీలు తెరిచి ఉంచుకోవాలి.సూర్యకిరణాలు ఇంట్లో పడేలా చూసుకోవాలి.
గాలి, సూర్యకిరణాలు ఇంటిలోకి ఎంతగా వస్తే అంతగా నెగెటివ్‌ ఎనర్జీని తొలగిస్తాయి.పాత వస్తువులు, పనికిరాని వస్తువులు వాడని ,చిరిగిపోయిన బట్టలు ఎప్పటికప్పుడు ఇంటినుండి బయటకు పంపేయాలి. పాత వస్తువులు నెగెటివ్‌ ఎనర్జీని ఆకర్షించి మనశాంతి లేకుండా చేస్తాయి.
టాయిలెట్ కూడా ఎప్పటికప్పుడు శుభ్రం గా మంచి వాసన వచ్చే విధంగా ఉండేలా చూసుకోవాలి. అప్పటి కాలంలో చెప్పులు ఇంటి బయట విడిచి కాళ్లు కడుక్కుని మాత్రమే ఇంట్లోకి వచ్చేవారు. కాళ్ళు కడుక్కోకుండా ఇంట్లోకి ఎట్టి పరిస్థితుల్లో వచ్చేవారు కాదు. దానివల్ల నెగెటివ్‌ ఎనర్జీ ఇంట్లోకి వచ్చే అవకాశమే ఉండేది కాదు.
అలా చెప్పులతో ఇంట్లోకి రాకుండా బయట విప్పి కాళ్లు కడుక్కుని ఇంట్లోకి వెళ్లే లా ఏర్పాటు చేసుకోవడం మంచిది.చెప్పులు ఎప్పుడు చిందర వందరగా ఉండకూడదు.
ఎప్పుడు నీట్ గా వాటి స్థానంలో అవి పెట్టి ఉండాలి. అలాగే ఇంటి లో కి ప్రవేశించగానే చెప్పులు,చీపురు కనిపించే విధం గా అసలు ఉండకూడదు.వీటితో పాటు చెత్త తీసుకునే చేట ,డస్ట్ బిన్ కూడా ఎప్పుడూ శుభ్రంగా ఉండాలి. ఇలాంటి జాగ్రత్త తీసుకోవడం వలన నెగెటివ్‌ ఎనర్జీ ఇంటి దరిదాపులకు కూడా రాదు. ఇంట్లో మనశ్శాంతి లేకుండా ఉండటానికి మొదటి కారణం ఈ నెగిటివ్ ఎనర్జీ అని గుర్తుపెట్టుకోండి.. దాన్ని ఎప్పటికప్పుడు వెళ్ళగొట్టడం.