Kitchen hacks: డైలీ లైఫ్ లో ఉపయోగపడే వంటింటి చిట్కాలు గురించి తెలుసుకుందాం..
- ఆకుకూరలు వేళ్ళను కత్తిరించి కట్టను విడదీసి,తడిపోయేలా బాగా ఆరబెట్టి, పాలిథిన్ కవర్లో పెట్టి ఫ్రిజ్ లో పెట్టాలి.
- వేడీ వేడిగా వుండే ఆహార పదార్థాల ను, పాల ను అలాగే ఫ్రిజ్లో పెట్టేయకూడదు. బాగా చల్లారనిచ్చినతర్వాత పెట్టాలి.
- ఫ్రిజ్లో ఐస్ పెరిగిపోకుండా ఉండాలంటే ఒక మూలన కొద్దిగా ఉప్పు ను ఉంచండి.
- పుట్టగొడుగులు పేపరు బ్యాగ్ లో నిల్వ చేస్తే ఎక్కువ కాలం పాటు తాజాగా ఉంటాయి.
- ఆకుకూర ఆకులను పెద్ద, పెద్ద ముక్కలుగా తరిగి గానీ,లేదా అసలు తరగకుండా గానీ వండు కోవడం మంచిది.
6. ఆకుకూరలు వేపుళ్ళు చేసుకుని తినకూడదు. అలా తినడం వలన ఖనిజాలు, విటమిన్లు పోయి పిప్పి మాత్రం మిగులుతుంది.
7. ఆన్ చేసిన అయిదు నిమిషాల తర్వాత మాత్రేమే ఓవెన్ ను వాడాలి. స్విచ్ ఆపిన రెండు నిమిషాల తర్వాత మాత్రమే ఓవెన్ లో చేయి పెట్టడం మంచిది.
8. మామూలు ఓవెన్ ల కన్నా ఆటోమేటిక్ కంట్రోల్ సిస్టం వున్న ఎలక్ట్రిక్ ఓవెన్ మంచిది .
9. మీరు పెంచే మొక్కలు కానీ, పూలకుండీలు కానీ నీరు ఏ సమయంలో పడితే ఆ సమయంలో చేయకూడదు. అలా పోయడం వలనమొక్కలు బాగా పెరగవు.
10. మొక్కలకు నీరు పోయాలంటే ఉదయం తొమ్మిది గంటల లోపు, సాయంత్రం ఐదు గంటల తర్వాత మాత్రమే పోసేలాగా చూసుకోవాలి.
11. కరివేపాకు చెట్టుకు బియ్యం కడిగిన నీళ్ళు పోస్తే చెట్టుకు మంచి బలాన్ని ఇవ్వడం తో పాటు బాగా పెరుగుతుంది.
12. మొక్కలకు తెగుళ్ళు రాకుండా, పురుగు పట్టకుండా ఉండాలంటే ఆవాలను నీళ్ళతో కలిపి మెత్తగా నూరి, ఆ మిశ్రమాన్ని కుండీలో ఉన్న మట్టిలో వేసేస్తే , తెగుళ్ళు సోకే అవకాశముండదు.
13. గులాబీ మొక్కల దగ్గర టీ పొడిని లేక ఉల్లిపాయ తొక్కును కానీ వేస్తే పూసిన పూలు ఎక్కువ వాసన వస్తుంటాయి.
14. కోడిగుడ్లు కుక్కర్‌లో ఉడకబెట్టేటప్పుడు ఉప్పు వేస్తె , గుడ్డు పగలకుండా ఉంటుంది.