Andhra Pradesh: అప్పుడో ఓ డాక్టర్ ..ఇప్పుడో డిప్యూటీ తహసీల్దార్!ప్రభుత్వానికి చుర్రుమనిపించేలా సెల్ఫీ వీడియోలు!!

Share

Andhra Pradesh: కరోనా మహమ్మారి విలయం సృష్టిస్తోంది. కరోనాతో ప్రైవేట్ ఆసుపత్రిలో డబ్బులు కట్టినా కూడ సరైన వైద్య సహాయం అందని దుస్థితి నెలకొంది.ఈ పరిస్థితులపై రాష్ట్రవ్యాప్తంగా మీడియాలో కథనాలు వస్తున్నాయి. ఎక్కువగా ప్రభుత్వాస్పత్రులలో ఇలాంటి పరిస్థితులు ఉన్నట్లు ఇప్పటిదాకా చెప్పుకోవడం జరిగింది. అయితే ప్రభుత్వాసుపత్రులలోనే ఇలాంటి పరిస్థితి ఉందనుకుంటే పొరపాటే. కార్పొరేట్ ఆస్పత్రుల్లో డబ్బులు పెట్టి చికిత్స పొందుదామనుకుంటే కూడా ఆ హాస్పిటల్స్లో కూడా ఇందుకు భిన్నమైన పరిస్థితులు లేవని ఇప్పుడు వెలుగులోకి వచ్చింది.

Then a doctor..now a deputy tahsildar! Selfie video to make the government laugh !!
Then a doctor..now a deputy tahsildar! Selfie video to make the government laugh !!

ఇది ఓ డిప్యూటీ తహసీల్దార్ వ్యథ!

తాజాగా శ్రీకాకుళం జిల్లాకు చెందిన ఓ ప్రభుత్వ అధికారి విడుదల చేసిన సెల్ఫీ వీడియో కోవిడ్‌ దయనీయ పరిస్థితులకు అద్దం పడుతోంది. శ్రీకాకుళం జిల్లా, వజ్రపుకొత్తూరు మండలం డిప్యూటీ తాసిల్దార్ మురళీకృష్ణ ఇటీవల కోవిడ్‌ బారినపడ్డారు. ఆయన తల్లికి కూడా వైరస్‌ సోకింది. దీంతో జిల్లా కేంద్రంలోని ఓ ప్రైవేటు ఆస్పత్రిలో చేరారు. ఆస్పత్రిలో డబ్బులు కట్టి చేరినప్పటికీ తమకు కనీస వైద్యం కూడా అందించడం లేదని చెప్పారు. తన తల్లికి ఇంకా కనీసం సెలైన్‌ కూడా ఇవ్వలేదని ఆవేదన వ్యక్తం చేశారు. కనీసం మంచినీళ్లు అడిగినా పట్టించుకునే నాధుడే లేరని ఆయన ఆరోపించారు.ఆస్పత్రిలో పదే పదే అడిగితేనే భోజనం అందిస్తున్నారని, అది కూడా పాచిపోయిన భోజనం రోగులకు పెడతున్నారని మురళీ కృష్ణ ఆరోపించారు. అర్ధరాత్రి 12 గంటలకు భోజనం ఇస్తున్నారంటూ ఆయన ఓ సెల్ఫీ వీడియో తీసి విడుదల చేశారు. ప్రస్తుతం డిప్యూటీ తహసిల్దార్‌ మురళీకృష్ణ షేర్‌ చేసిన ఈ వీడియో ప్రస్తుతం వైరల్ గా మారింది. దీనిపై అధికారులు ఎలా స్పందిస్తారో చూడాలి మరీ.

అప్పుడు డాక్టర్ సుధాకర్ ..ఇప్పుడీ డిప్యూటీ తహశీల్దార్!

గత ఏడాది కరోనా సమయంలో నర్సీపట్నం ప్రభుత్వాసుపత్రి డాక్టర్ సుధాకర్ సర్కార్ దవాఖానాల్లో నెలకొన్న సౌకర్యాల లేమి గురించి సెల్ఫీ వీడియో పెట్టగా ప్రభుత్వం ఆయనను సస్పెండ్ చేయడం తెలిసిందే.తదుపరి పరిణామాల్లో డాక్టర్ సుధాకర్ ను విశాఖపట్నం లో పోలీసులు కొట్టి పిచ్చాసుపత్రిలో చేర్పించడ౦, అది పెద్ద వివాదం కావడం కూడా విదితమే. డాక్టర్ సుధాకర్ ఉదంతంపై హైకోర్టు సీబీఐ విచారణకు సైతం ఆదేశించింది. ఇప్పుడు డిప్యూటీ తహసీల్దార్ మురళీకృష్ణ కూడా ఇదే తరహా సెల్ఫీ వీడియో పెట్టడంతో అధికార వర్గాల్లో తర్జనభర్జనలు జరుగుతున్నాయి.ప్రభుత్వం ఈ విషయాన్ని కూడా సీరియస్ గా తీసుకునే అవకాశాలు ఉన్నాయని అధికార వర్గాలు చెబుతున్నాయి.

 


Share

Related posts

Corona Breaking: ఒక్క శ్మశానంలో ఇన్ని శవాలా..!? కాటిలో కన్నీరు తెప్పించే దారుణ కథలు..!!

Yandamuri

హైదరాబాద్ ప్రజలకు కొత్త సంవత్సరం సరికొత్త గిఫ్ట్ ఇవ్వబోతున్న కేసీఆర్..!!

sekhar

ఏపీ పెట్టుబడుల విషయంలో ఇది జగన్ కు బ్యాడ్ న్యూస్ లాంటిదే !

Yandamuri