career: పాజిటివ్ ఎనర్జీ పుష్కలం
వాస్తు ప్రకారం చూసుకుంటే గుర్రాలు శ‌క్తికి ప్రతిరూపం అని చెప్తారు. ఇవి ఉన్న చోట పాజిటివ్ ఎనర్జీ పుష్కలం గా ఉంటుంది. ఇల్లు లేదా ఆఫీస్‌లో ఎక్కడ గుర్రాల బొమ్మ‌ల‌ను పెట్టుకున్న కూడా అదృష్టం క‌ల‌సి వస్తుంది అనడం లో ఎలాంటి సందేహం లేదు. చేసే పనిలో కూడా ఎటువంటి ఆటంకాలు రావు. ఇంట్లో పెట్టుకుంటే ధ‌నం వృద్ధి చేయడం తో పాటు ఆరోగ్య వంతుల్ని చేస్తుంది. గుర్రపు బొమ్మ‌ల‌ను పెట్టుకుంటే వాస్తు ప్రకారం ఇంకా ఎలాంటి ప్ర‌యోజ‌నాలు క‌లుగుతాయో తెలుసుకుందాం. ఇంట్లో కానీ ఆఫీసులో కానీ దక్షిణ దిక్కులో గుర్రపు బొమ్మ‌ను ఉంచడం వలన పేరు ప్ర‌ఖ్యాతులు వ‌స్తాయి.
career: దంప‌తుల సుఖంగా జీవిస్తారు
వ్యాపారం లో చేపట్టే ప‌నులు విజయం వైపు తీసుకు వెళ్తాయి. ధ‌నం కలిసి వస్తుంది. ఇంట్లో కానీ ఆఫీస్‌లో కానీ ఉత్తర దిశ‌లో గుర్రపు బొమ్మ‌ను ఉంచితేకెరీర్ ప‌రంగా బాగా సెట్ అవుతారు. ఆ ఆర్థిక స‌మ‌స్య‌లు ఉన్న వారు గుర్రపు బొమ్మ‌ను ఉత్తర దిశ‌లో పెట్టుకుంటే మంచిది. దీంతో అదృష్టం కూడా క‌ల‌సి వస్తుంది. అనుకున్న ప‌నులు అన్ని నెరవేరుతాయి. జంట గుర్రపు బొమ్మ‌ల‌ను పడక గదిలో పెట్టుకుంటే దంప‌తుల మ‌ధ్య గొడవలు లేక సుఖంగా జీవిస్తారు. పడక గదిలో ఎప్పుడు ఒంట‌రిగా ఉన్న గుర్రపు బొమ్మ‌ల‌ను పెట్టుకోకూడదు. జంట గుర్రపు బొమ్మ‌లు మాత్రమే ఉండేలా చూసుకోవాలి. అయితే ఇక్కడ గమనించవలిసిన విషయం ఏమిటంటే గుర్రపు బొమ్మల్నే పెట్టుకోవాలి అన్న రూల్ ఏమి లేదు. గుర్రం ఫొటోను ఇల్లు లేదా ఆఫీస్ లో వేలాడ‌దీసినా పైన చెప్పిన ఫ‌లితాలు అన్ని సంపూర్ణం గా అందుతాయి.
ఒంటిపైన ఏమీ లేని
ఏడు గుర్రాలు ప‌క్క ప‌క్క‌నే ప‌రిగెడుతున్న‌ట్టుగా ఉండే ఫొటో కానీ విగ్ర‌హాన్ని కానీ పెట్టుకుంటే ఇల్లు లేదా ఆఫీస్‌లో ఉండే నెగెటివ్ ఎనర్జీ మొత్తం పోయి స‌మ‌స్య‌లు ఏవైనా ఉంటే వెంటనే ప‌రిష్కారం అవుతాయి అనడం లో ఎలాంటి సందేహం లేదు.
ప‌గ్గాల‌తో కనిపించే గుర్రపు బొమ్మ‌ల‌ను మాత్రమే పెట్టుకోవాలి. ఒంటిపైన ఏమీ లేని ఖాళీ గుర్రపు బొమ్మ‌ల‌ను పెట్టుకోకూడదు. ఎందుకంటే అవి నెగెటివ్ ఎన‌ర్జీకి సంకేతాలు… వాటిని పెట్టుకోవడం వలన అదే ఎనర్జీ ఉత్పన్నం అవుతుంది. అదృష్టం అనేది ఉండదు. కాబట్టి ప‌గ్గాలు లేదా జీనుతో ఉండే గుర్రపు బొమ్మ‌ల‌నే పెట్టుకోవాలి. దీనితో అదృష్టం పట్టి అంతా మంచే జ‌రుగుతుంది. అన్నింటా వృద్ధి జరిగి,సంప‌ద‌లు కలుగుతాయి.
