Viral news: విశ్వాసంలో కుక్కలకి మరే ఇతర జంతువులూ చాటి రావు. అవును, అందుకనే అనేకమంది మనలో తమ ఇళ్లల్లో కుక్కల్ని పెంచుకుంటూ వుంటారు. పైగా మనవాళ్ళు విచిత్రంగా ఇతర దేశాలకి సంబంధించిన కుక్కల్ని పెంచుకుంటూ వుంటారు. వీధి కుక్కల్ని కుక్కలకన్నా హీనంగా చూస్తూ వుంటారు. అయితే ఎవరికీ తెలియని విషయం ఏమంటే, ఇతర బ్రీడ్ కి సంబందించిన కుక్కల కంటే కూడా మన దేశీయ కుక్కలే ఎక్కువ విశ్వాసాన్ని కలిగి వుంటాయని ఓ సర్వే తెలిపింది. అయితే ఆ ఆవిషయాన్ని ఓ వీధి కుక్క తాజాగా నిజం చేసి చూపించింది.
అవును, వీధి కుక్కలు ఎంతో విశ్వాసాన్ని కలిగి ఉంటాయి. మనం ఓ ముద్ద అన్నం పెడితే మనల్ని ఎంతో ప్రేమిస్తాయి. ఇక వాటిని కొట్టినా.. తిట్టినా అంతే ప్రేమగా భరిస్తాయి. మన పరిసరాలు వదిలిపోవు. పైగా మన ఇంటినుండి పరిసరాలు వరకు ఎంతో నీట్ గా ఉంచుతాయి. అంతే ఎటువంటి విసర్జన పదార్ధాలు విడిచి పెట్టవు. అదే సో కాల్డ్ పెంపుడు కుక్కలు మాత్రం మనం బయటకి తీసుకెళ్తేనే అవి యూరిన్, మలం విసర్జిస్తాయి. లేదంటే అంతే సంగతులు. ఆ సంగతి పక్కనబెడితే ఓ అతి విశ్వాసం గల వీధి కుక్క యొక్క వీడియో ఒకటి ప్రస్తుతం సోషల్ మీడియాలో వైరల్ అవుతోంది.
ముఖ్యంగా కరోనా సమయంలో వీధి కుక్కలు విలవిల్లాడిపోయాయి. తిండి దొరక్క నానా అవస్థలు పడ్డాయి. అలాంటి లాక్‌డౌన్‌ సమయంలో ఈ వీడియోలో కనబడిన ముంబైకి చెందిన ప్రియాంక అనే యువతి వీధి కుక్కలకు ఆహారం పెట్టింది. అందులో కోకో అనే పేరు గల కుక్క కూడా ఉంది. లాక్‌డౌన్‌ ఎత్తేయగానే ఆమె వేరే వూరు వెళ్ళిపోయింది. దాదాపు 2 ఏళ్లు తరువాత ప్రియాంక ఆఫీస్‌కు వెళ్లటానికి బస్టాండ్‌కు వచ్చింది. అక్కడ కోకో ఆమెను చూసి, గుర్తుపట్టింది. వెంటనే కుయ్‌,కుయ్‌ అని అరుచుకుంటూ ఆమె దగ్గరకు వెళ్ళింది. కాగా ఈ వీడియో చూసిన నెటిజన్లు ఆమెని, ఆ కుక్క విశ్వాసాన్ని కొనియాడుతూ కామెంట్లు పెడుతున్నారు.