Most used Emojis: ఎమోజీలు మనకు బాధొచ్చినా, కానీ సంతోషం వచ్చినా మనం ఎక్కువగా వాడుతుంటాం. మనం ఎప్పుడు చాటింగ్ చేసినా కానీ ఎమోజీలను అధికంగా వాడుతూ ఉంటాం. ఇలా ఈ ఏడాదిలో ఎక్కువగా వాడిన ఎమోజీలు ఇవేనంటూ యునికోడ్ కన్సార్షియమ్ అనే సంస్థ వెల్లడించింది. ప్రస్తుతం సోషల్ మీడియాలో చాటింగ్ లు ఎక్కువ కావడంతో ఎమోజీల వాడకం విపరీతంగా పెరిగిపోయింది. ఇలా ఈ ఏడాదిలో ఎక్కువగా వాడిన ఎమోజీల వివరాలు మీ కోసం..
అవే టాప్ అట..
యునికోడ్ కన్సార్షియమ్ అనే నాన్ ప్రాఫిటబుల్ ఆర్గనైజేషన్ విడుదల చేసిన వివరాల ప్రకారం.. ఈ కింది రకాల ఎమోజీలను ఎక్కువగా వాడారని సంస్థ తెలిపింది. టాప్ 100 లో ఉన్న ఎమోజీలనే 82 శాతం వాడినట్లు యునికోడ్ సంస్థ తెలిపింది. ఇందులో ఆనందబాష్పాలతో కూడిన ముఖం ఎమోజీ టాప్ లో నిలిచింది. రెడ్ హర్ట్ ఎమోజీ రెండో స్థానంలో నిలిచింది. మనకు మొత్తం 3,663 ఎమోజీలు ఉన్నాయని కూడా ఆ సంస్థ స్పష్టం చేసింది.
టాప్ 10 ఎమోజీల జాబితా ఇదే..
1. ఆనందబాష్పాలతో కూడిన ముఖం ఎమోజీ.
2. రెడ్ హార్ట్ సింబల్..
3. నవ్వుతూ నెలపై దొర్లుతున్నట్లు కనిపించే సంకేతం..
4. థమ్స్ అప్ సింబల్
5. బోరున ఏడుస్తున్న ముఖం.
6. ముద్దులు కురిపిస్తున్న ముఖం.
7. జోడించిన చేతులు.. మొక్కుతున్న సంకేతం.
8. హార్ట్స్ తో కూడిన నవ్వు ముఖం.
9. హార్ట్ లాంటి కళ్లు ఉన్న నవ్వు ముఖం.
10. నవ్వుతున్న ట్లు ఉన్న కళ్లతో కూడిన నవ్వు ముఖం.
స్మైలీల ఎమోజీలను ఈ ఏడాదిలో నెటిజన్లు ఎక్కువగా వాడారని యునికోడ్ తెలిపింది. వాళ్లు ప్రకటించిన జాబితాలో టాప్ 10 ఎమోజీలను చూసినా కానీ ఇదే విషయం మనకు అర్థం అవుతుంది.