Lumps: గర్భసంచిలో గడ్డలు అనగానే చాలా మంది క్యాన్సర్ కణితులేమోనని భయపడుతుంటారు.. వాస్తవానికి వాటికి క్యాన్సర్ కి సంబంధం ఉండదు. అయితే గర్భసంచిలో గడ్డలు ఎందుకు వస్తాయి..!? అలా వస్తే పిల్లలు కలగరా..!?
గర్భసంచిలో గడ్డలు రావడానికి చాలా కారణాలు ఉంటాయి.. జన్యుపరంగా వచ్చే అవకాశం ఒకటైతే.. ఈస్ట్రోజన్, ప్రొజెస్టిరాన్ హార్మోన్స్ అసమతుల్యత మరో కారణం.. ఫైబ్రాయిడ్స్ మీద ఈస్ట్రోజన్ రిసెప్టార్లు ఉంటాయి. శరీరంలో ఈస్ట్రోజన్ హార్మోన్ పెరిగినప్పుడు రిసెప్టర్లు యాక్టివేట్ అయ్యి ఫైబ్రాయిడ్స్ పరిమాణం పెంచుతాయి. దీంతో కొన్నిసార్లు ఫైబ్రాయిడ్స్ పెరగవచ్చు లేదా తగ్గవచ్చు అందువలన ఈస్ట్రోజన్, ప్రొజెస్టరాన్ రెండిటి ప్రభావం వీటి పైన ఉంటుంది. ఈ గడ్డల వలన సంతానలేమి సమస్య ఏర్పడుతుంది. గర్భాశయం లోపల, గోడల పొరల్లో, ముఖ ద్వారం వద్ద ఎక్కడైనా గడ్డలు ఉంటే పిండం తయారవదు. అందుకే గర్భసంచిలో గడ్డలు ఉన్నవారికి గర్భధారణ అసాధ్యమని చెబుతారు ఆరోగ్య నిపుణులు.
కొంత మందికి పిల్లులు పుట్టాక గర్భసంచిలో గడ్డలు వస్తాయి. వాటికి చికిత్స తీసుకుంటే ఎలాంటి ఇబ్బంది ఉండదు. అదే పిల్లలు కలగని వారికి అయితే హిస్టెరోస్కోపిక్ రియాక్షన్ ద్వారా తొలగిస్తారు. ఈ ప్రక్రియ తరవాత గర్భధారణకి వెళ్ళవచ్చు. అయితే అన్ని గడ్డలు మందులతో కరగవు. 2 సెంటీమీటర్ల కంటే తక్కువ ఉన్న గడ్డలు మాత్రమే మందులతో కరుగుతాయి. అదే 5 సెంటీమీటర్ల కంటే ఎక్కువ ఉన్న గడ్డలను ఇంజెక్షన్ ద్వారా కరిగిస్తారు. వీటికి మూడు నెలలు జీఎన్ఆర్ హెచ్ అనలాగ్ ఇంజెక్షన్లు ఇస్తారు.