ఈరోజుల్లో అన్నం లేకపోయినా బతుకుతామేమో కానీ.. ఒక్క నిమిషం ఇంటర్నెట్ లేకపోతే బతకలేం. మొబైల్ కు ఒక్క నిమిషం నెట్ రాకపోతే అతలాకుతలం అవుతాం. అంతలా ఇంటర్నెట్ మనలో భాగం అయిపోయింది.
ఇదివరకు ఒక్క సినిమాను డౌన్ లోడ్ చేయాలంటే కొన్ని రోజుల పాటు వేచి చూడాల్సిన పరిస్థితి. ఇప్పుడు 2జీ, 3జీని దాటి 4జీలో ఉన్నాం. ఇంకొన్ని రోజులైతే 5జీ స్పీడ్ కు కూడా వెళ్తాం.
ఈరోజుల్లో ఏ ఇంటర్నెట్ కనెక్షన్ తీసుకున్నా.. 100 ఎంబీపీఎస్ స్పీడ్ వరకు ఉంటుంది. అదే మనకు ఎక్కువ స్పీడ్.
కానీ.. వీళ్లు చూడండి.. ఏకంగా 178 టీబీపీఎస్ ఇంటర్నెట్ స్పీడ్ ను సాధించారు. లండన్ యూనివర్సిటీ కాలేజీకి చెందిన పరిశోధకులు ఈ అచీవ్ మెంట్ సాధించారు.
178 టీబీపీఎస్ స్పీడ్ అంటే సెకన్ ను 178 టెరాబైట్స్ అన్నమాట. అంటే 1,78,000 జీబీ అన్నమాట. సెకన్ కాలంలో 178 టెరా బైట్ల వేగంతో వెళ్లే ఇంటర్నెట్ ను సృష్టించి పరిశోధకులు చరిత్రకెక్కారు.
ఈ స్పీడ్ ఇంటర్నెట్ కనుక ఉంటే.. ఒక్క సెకన్ లో కనీసం 200 సినిమాలను డౌన్ లోడ్ చేసుకోవచ్చుప. అవి కూడా హెచ్ డీ ప్రింట్ ఉన్న సినిమాలు.
ఇలాంటి ఇంటర్నెట్ కనెక్షన్ ఉంటే క్షణాల్లో అన్ని పనులు చక్కదిద్దుకోవచ్చు. దీనికంటే ముందు ఆస్ట్రేలియాలో 44.2 టీబీపీఎస్ నెట్ స్పీడ్ ను సాధించారు.
అయితే.. ఇంత స్పీడ్ ఇంటర్నెట్ ను ట్రాన్స్ ఫర్ చేయాలంటే ప్రస్తుతం ఉన్న ఆప్టికల్ ఫైబర్ కేబుల్ సరిపోదు. దానికోసం సపరేట్ గా హైరేంజ్ వేవ్ లెంత్స్ వాడాలి.
ఈ పరిశోధకలు ఇంకా ఏమంటున్నారంటే.. ఎన్ని టెరాబైట్ల స్పీడ్ ఇంటర్నెట్ అయినా సరే.. హైరేంజ్ వేవ్ లెంత్స్ వేసుకుంటే చాలు… ఖర్చు కూడా తక్కువే అంటున్నారు.
అయితే ఇంత స్పీడ్ ఇంటర్నెట్ సాధ్యం అవుతుందా? అదా? అనే టెస్ట్ మాత్రమే వీళ్లు చేశారు కానీ.. ప్రస్తుతం దీన్ని మార్కెట్ లోకి తీసుకురావడం లేదు. ఫ్యూచర్ లో ఒకవేళ ఇంత భారీ స్పీడ్ ఇంటర్నెట్ ఎక్కడైనా అవసరం ఉంటే అప్పుడు ఈ టెక్నాలజీని మళ్లీ సృష్టిస్తారన్నమాట.