Bullet Bandi: నీ బుల్లెట్ బండెక్కి వచ్చేత్త పా.. డుగు డుగు డుగు డుగు డుగు డుగని.. పాట ప్రజల జీవితాలతో పెనవేసుకుపోయింది.. ప్రస్తుతం సోషల్ మీడియాను ఈ పాట షేక్ చేస్తోంది.. తెలంగాణ జానపదం లో ఉన్న ఈ పాట అందరి హృదయాలను తాకుతోంది.. ఇదే పాట కు మొన్న పెళ్లి కూతురు సాయి శ్రీ డాన్స్ చేయగా సోషల్ మీడియాలో వైరల్ అయింది.. తాజాగా ఓ స్టాఫ్ నర్స్ కూడా ఈ పాటకు అదిరిపోయే స్టెప్పులేసింది..!! ఏకంగా ఆసుపత్రి లోపల డ్యాన్స్ వేయడంతో సోషల్ మీడియాలో వైరల్ అవుతోంది..!!
రాజన్న సిరిసిల్ల జిల్లా తంగళ్ళపల్లి పీహెచ్సీ లో పనిచేస్తున్న నర్సింగ్ స్వాతంత్ర దినోత్సవం రోజున ఆసుపత్రిలో వేడుకలు ముగిసిన తర్వాత.. హాస్పటల్ లో నర్సులంతా కలిసి సందడి చేశారు.. వారిలో ఒక నర్సు డాన్స్ చేస్తుండగా.. మిగతా వారందరూ చప్పట్లు కొట్టి ఎంకరేజ్ చేశారు.. ఈ నర్స్ డాన్స్ చేసిన వీడియో సోషల్ మీడియాలో వైరల్ అవుతోంది.. ఈ విషయం పై ఆగ్రహం వ్యక్తం చేసిన జిల్లా కలెక్టర్ విచారణకు ఆదేశించారు ఈ నేపథ్యంలో జిల్లా వైద్యాధికారి సుమన్ రావు ఆమెకు జారీ చేశారు విచారణ అనంతరం చర్యలు తీసుకోనున్నట్లు తెలియజేశారు.
అయితే ఇందులో నర్సం తప్పేం లేదని కొందరు సమర్ధిస్తున్నారు. వాస్తవంగా స్వాతంత్ర దినోత్సవ వేడుకల్లో భాగంగానే డాన్స్ చేసిందని.. ఆసుపత్రి పనివేళల్లో ఇటువంటి పనులు చేస్తే తప్పు కానీ, స్వాతంత్ర దినోత్సవ వేడుకల్లో భాగంగా చేస్తే తప్పేంటి అని మరి కొందరు నెటిజన్లు ఆమెకు సపోర్ట్ చేస్తున్నారు.. మరికొంతమంది ఇటువంటివి ఆసుపత్రిలో చేయడం సమంజసం కాదని అంటున్నారు.. మొన్న పెళ్లి కూతురు లాగానే.. ఈ నర్స్ డాన్స్ కూడా సోషల్ మీడియా ను షేక్ చేస్తోంది..