Milk: రోజుకు రెండు గ్లాసుల పాలు తాగమని ఆరోగ్య నిపుణులు చెబుతున్నారు.. సంపూర్ణ పోషకాలున్న ఆహారాలలో పాలు కూడా ఒకటి..!! ప్రతి రోజు పాలు తాగితే ఆరోగ్య సమస్యలు దరి చేరవని వైద్యుల మాట.. పాలను మనం ఏ సమయంలో పడితే అప్పుడు ఎప్పుడు పడితే అప్పుడు తాగుతూ ఉంటాము.. అయితే పాలు తాగడానికి కూడా ఒక పద్ధతి ఉందని పరిశోధకులు చెబుతున్నారు..!!
పాలు తాగడానికి చక్కటి టైం ఉదయం అల్పాహారం చేసే సమయం. ఉదయం పాలు తాగితే తక్షణ శక్తి లభిస్తుంది. రోజంతా యాక్టివ్ గా ఉంటారు. అలాగే రాత్రి పడుకోవడానికి ఒక గంట ముందు పాలు తాగడం కూడా చాలా మంచిది. రాత్రి పూట పాలు తాగితే మెదడు ను రిలాక్స్ చేస్తుంది. నిద్రలేమి సమస్యతో బాధపడుతున్న వారు పాలు తాగితే హాయిగా నిద్రపడుతుంది. ఈ రెండు సమయాల లో మాత్రమే పాలు తాగడం మంచిదని నిపుణులు చెబుతున్నారు. అంతే కాకుండా కొంత కొన్ని సమయాల లో పాలు తాగుతూ ఉంటారు. వాటి వలన ఎటువంటి అనర్థాలు కలుగుతాయో చూడండి.
గ్యాస్, అసిడిటీ, అజీర్తి ఉన్నవారు పాలను మితంగా తీసుకోవాలి. లేకపోతే ఈ సమస్య తీవ్రంగా మారి అనేక ఆరోగ్య సమస్యలకు గురిచేస్తుంది. ఆరోగ్యానికి మంచిదని ఎక్కువగా పాలను తీసుకోకూడదు. వీటి వలన జీర్ణ సమస్యలు బాధిస్తాయి అని గుర్తుంచుకోవాలి. పాలు అనగానే పంచదార గుర్తొస్తుంది. పంచదార లేకుండా మాత్రమే పాలు తాగాలని గుర్తుంచుకోవాలి. పంచదారకు బదులు పటిక బెల్లం, తేనె, బెల్లం వంటివి ఉపయోగించండి. పాలను మితంగా తీసుకుంటే చక్కటి ఆరోగ్యం మన సొంతం.
