కొత్త జీవన విధానాన్ని కరోనా లాక్ డౌన్ ఆవిష్కరించింది. ఇప్పుడు ఇళ్లల్లో సీన్ మారిపోయింది. నలభీములు గరిటె తిప్పుతున్నారు. ఉరుకులు, పరుగుల జీవితానికి కామా పెట్టించిన లాక్డౌన్ ప్రజల్లో కొత్త ఆలోచనలను, సృజనాత్మకతను తట్టి లేపుతోంది. పూర్తిగా ఇళ్లకే పరిమిమతవడంతో కుటుంబాలతో సరదాగా గడపడంతో పాటు తమలో దాగిన నలభీముడిని బయటికి తీసుకు వస్తున్నారు. ఇంతకు ముందు అమ్మ దగ్గర ఓ వంద రూపాయలు తీసుకొని ఫాస్ట్ ఫుడ్ సెంటర్ కు వెళ్లి తమకు కావాల్సింది తిని వచ్చేవారు. కానీ ఇప్పుడు మగ పిల్లలు యూట్యూబ్ లో చూసి వంటలు చేస్తున్నారు. అమ్మను వంటింట్లోకి రానివ్వకుండా రెస్టారెంట్ రుచులు ఆస్వాదించేలా ఎలా చేస్తున్నారు.
మునుపటిలా ఆన్లైన్లో ఫుడ్ ఆర్డర్ లు అంత ఉధృతంగా లేవు. ఇంతకుముందు తమకు ఏం కావాలన్నా ఆర్డర్ చేసుకుని తినేవారు. ప్రస్తుతం కరోనా కారణంగా వర్క్ ఫ్రం హోం లో ఉన్న మగ పిల్లలు ఇంటిని రెస్టారెంట్ గా మార్చేస్తున్నారు. పాకశాస్త్రం తెలియని వారు కూడా యూట్యూబ్ ద్వారా రకరకాల వంటలు చేసి ఇంట్లో వారందరినీ ఆశ్చర్య పరిచేలా చేస్తున్నారు. నీ వంట నువ్వే తయారు చేసుకో అనే ఆరోగ్యకర పద్ధతిని తీసుకు వచ్చారు. వీరి కోసమే అన్నట్లు రకరకాల వంటకాల వీడియోలు తీసి యూట్యూబ్లో పెడుతున్నారు. తందూరి, చైనీస్, మొగలాయి, షవర్మా, దాయ్ లాంటి వంటకాలు తయారుచేసిన నా పిల్లల్ని రుచి చూసిన తల్లులు ప్రశంసల్లో ముంచేస్తున్నారు. ఇంట్లో వారిని మరింత ఆనందింపజేసేందుకు, ఆశ్చర్య పరిచేందుకు యూత్ అంతా ఇంట్లోనే ఇంట్లోనే బార్బీక్యూ అనుభూతి చెందేలా సెట్టింగ్స్ కూడా చేస్తున్నారు. ఇప్పుడు యూట్యూబ్ ఇంటి పెద్దగా మారింది.
కరోనా పుణ్యమా అని మగ పిల్లలు తల్లుల నిరంతర శ్రమ ను తెలుసుకున్నారు. అమ్మకు విశ్రాంతి ఇవ్వాలి. తనతో ఎక్కువ సమయం గడపాలి,
కాస్త సహాయపడాలి అనే విషయాలను తెలుసుకున్నారు. అమ్మ నాన్నలకి ఏమిచ్చినా రుణం తీర్చుకోలేం. కాబట్టి వాళ్లకు స్వయంగా నేనే వండి పెట్టడం ఒక అందమైన అనుభూతి లా చెందుతున్నారు మగ పిల్లలు అంతేకాకుండా ఇంట్లో వాళ్ళందరూ కలిసి కూర్చొని తినడం కూడా ఆనందాన్నిస్తుంది. ఆఫీసులో పని ఉద్యోగులు పంచుకుంటారు. అలాగే ఇంట్లో ఒకరి ఒకరు కూరలు తరగడం, వంట చెయ్యడం, మసాలా అందించడం ఇలా విభజించుకుని తలా ఒకరు తలా ఒక పని చేయడం ఎంతో ఆనందాన్ని ఇస్తుందని వారు స్వయంగా తెలుసుకుంటున్నారు.