మనం తినే ఆహారం పై శ్రద్ద పెట్టక పొతే టైప్ 2 డయాబెటిస్ వల్ల చాలా సమస్యలు వస్తాయి. టైప్ 2 డయాబెటిస్ ఉన్నప్పుడు మందులు వాడటంతోపాటూ, ఆహారంలో ను కొన్ని మార్పులు చేసుకోవడం చాల అవసరం. పోషకాలు పుష్కలంగా ఉండి, తక్కువ కొవ్వుతో, తక్కువ కేలరీలు ఉండే ఆహారం తీసుకుంటూ, సరైన బరువు ఉండేలా చూసుకుంటూ శారీరకంగా ఉత్సాహంగా ఉండేలా చూసుకుంటే, బ్లడ్ షుగర్ స్థాయి అదుపు లో ఉంటుంది. తద్వారా షుగరు వల్ల వచ్చే ప్రమాదకరమైన సమస్య లు రాకుండా చూసుకోవచ్చు. క్యారట్ జ్యూస్ వల్ల ఎలాంటి ప్రయోజనాలున్నాయో, డయాబెటిస్ను ఇది ఎలా అదుపు చేస్తుందో తెలుసుకుందాం.
మన శరీరం లో గ్లూకోజ్ స్థాయిలను అదుపు చెయ్యడానికి సరిపడా ఇన్సులిన్ ఉత్పత్తి కానప్పుడు, టైప్ 2 డయాబెటిస్ వస్తుంది. ఇన్సులిన్ రక్తం లోని చక్కెర స్థాయిలను ఎక్కువా, తక్కువా కాకుండా సమానం గా ఉండేలా చూస్తుంది. క్యారెట్లు ఆహారం లో తీసుకుంటే, బ్లడ్ షుగర్ లెవెల్స్ మరీ ఎక్కువా, మరీ తక్కువా కాకుండా అదుపులో ఉంటాయి. టైప్ 2 డయాబెటిస్ను అడ్డుకునే యాంటీఆక్సిడెంట్స్ క్యారట్లలో లభిస్తాయి.ఇవి ఆరోగ్యాన్ని మరింత మెరుగుపరుస్తాయి.
కాలిఫోర్నియాలోని స్టాండ్ఫోర్డ్ యూనివర్శిటీ స్కూల్ ఆఫ్ మెడిసిన్లో పరిశోధకులు కొన్ని అధ్యయనాలు జరిపారు. క్యారెట్ల లోని బీటా కెరోటిన్ అనే పదార్థం, టైప్ 2 డయాబెటిస్ను తగ్గిస్తుందని తేలింది.మన శరీరం ఈ బీటా కెరోటిన్ను విటమిన్ A తరహా పోషకం గా మార్చుకుంటుంది. డయబిటిస్ కీ విటమిన్ Aకీ సంబంధం ఏంటన్నది మాత్రం పరిశోధన లో తెలియలేదు.
రోజూ 250ml క్యారట్ జ్యూస్ తాగడం వల్ల టైప్ 2 డయబిటిస్ కంట్రోల్ అవుతుంది అని సిడ్నీ యూనివర్శిటీ పరిశోధకుల తెలిపారు.అందువల్ల టైప్ 2 డయబిటిస్తో బాధపడేవారు క్యారట్ జ్యూస్ తీసుకోవచ్చని పరిశోధకులుసలహా ఇస్తున్నారు.