గత వారం తో పోలిస్తే ఈ వారం ప్రసారం అవుతున్న బిగ్ బాస్ సీజన్ ఆసక్తికరంగా సాగుతోంది. ఇప్పటివరకు జరిగిన ఎలిమినేషన్ లో కొన్ని ప్రేక్షకులకు షాక్ లు ఇచ్చాయి అని చెప్పాలి. అయితే మిగతా సీజన్లలో లాగా కాకుండా ఈసారి ఎలిమినేట్ అయ్యే కంటెస్టెంట్ గురించి ముందే అంచనాలు వేస్తున్నారు కానీ అది కాస్తా తారుమారు అవుతున్నాయి ఎన్నో ట్విస్టులు చోటుచేసుకుంటున్నాయి.
ఇటీవల హౌస్ నుండి బయటకు వెళ్లి పోయిన జబర్దస్త్ కామెడీ యాక్టర్ ముక్కు అవినాష్ కు ఇప్పుడు హోస్ట్ అక్కినేని నాగార్జున ఊహించని గిఫ్ట్ ఇచ్చాడు. వైల్డ్ కార్డ్ ఎంట్రీ ద్వారా లోనికి వచ్చిన అవినాష్ ఆదిలో మంచి ఎంటర్టైనర్ గా గుర్తింపు పొందాడు. నాలుగవ సీజన్లో అతను ఫైనల్స్ వరకు వెళతారని అందరూ ఊహించారు. తన మార్క్ కామెడీని పంచుతూ ఆకట్టుకున్నాడు. ఇక ఇంటిలోనే అమ్మాయిలతో ట్రాక్ నడిపేందుకు ప్రయత్నిస్తూ కామెంట్లు చేస్తూ మంచి పులిహోర రాజా కూడా గుర్తింపు తెచ్చుకున్నాడు. అయితే టాస్క్ లో 100% శ్రమించే అవినాష్ గాయాలు కూడా అయ్యాడు.
కానీ నామినేషన్ అంటే మాత్రం అసలు తట్టుకునే వాడు కాదు. తరచూ సింపతీ గేమ్ ఆడుతూ విమర్శలు ఎదుర్కొన్నాడు. దాని కారణంగానే ప్రేక్షకుల్లో వ్యతిరేకత కూడా ఎదురు అయింది అని చెప్పాలి. ఇంటి నుండి బయటకు వచ్చిన అవినాష్ పార్టీలతో బిజీ బిజీగా గడుపుతున్నాడు. ఫ్రెండ్ అయిన శ్రీముఖి అతనికి గ్రాండ్ వెల్కమ్ పార్టీ ఇచ్చారు. అలాగే ఇంటర్వ్యూలో కూడా పాల్గొన్నాడు.
ఇదంతా పక్కన పెడితే బిగ్బాస్ ఇంట్లో ఉన్నప్పుడు నాగార్జున వేసుకున్న షర్ట్ ను స్టేజీపైన చూసి చాల బాగుంది అని అన్నాడు. ఇక అవినాష్ ఇంటి నుండి బయటకు వచ్చిన తర్వాత నాగార్జున ఆ మాటను గుర్తు పెట్టుకుని మరీ ఆ షర్ట్ ను అవినాష్ కు పంపాడు. దీంతో అవినాష్ ఆనందానికి అవధులు లేకుండా పోయాయి. ఈ విషయాన్ని సోషల్ మీడియాలో పోస్ట్ కూడా చేశాడు.