Big Boss : బిగ్ బాస్ నాలుగో సీజన్ విన్నర్ అయిన అభిజిత్ మిగతా వారితో పోలిస్తే ఒక విషయంలో వెనుకబడి ఉన్నాడు. నాలుగో సీజన్ పూర్తయి 50 రోజులు దాటిపోయినా అతని తర్వాతి సినిమా ఆఫర్లకు సంబంధించి ఎలాంటి వార్తలు వినిపించడం లేదు. ఒకపక్క దివి, మోనాల్, అరియానా సినిమా ఆఫర్లతో బిజీ అయిపోతుంటే… సోహెల్, అఖిల్ కోకొల్లలుగా వచ్చిన ఆఫర్లను తిరస్కరించే పనులు కూడా చేస్తున్నారు. మెహబూబా, హారికలు మళ్ళీ తమ యూట్యూబ్ ఛానల్ లో వీడియోలు చేస్తూ బిజీ అయిపోయారు.
కానీ అభిజిత్ నుండి మాత్రం తన రాబోయే సినిమాల కు సంబంధించిన ప్రకటన మాత్రం ఎలాంటిది బయటకు రాలేదు. అంతే కాకుండా బిగ్బాస్ సీజన్లు అన్నింటిలో విన్నర్ కు పెద్దగా ఒరిగిందేమీ లేదన్న సంగతి తెలిసిందే. వారితో పోలిస్తే ఫైనలిస్టులు, రన్నరప్ లకే ఎక్కువగా సినిమా ఆఫర్లు వచ్చాయి. అయితే నాలుగు సీజన్లలో అభిజిత్ ఊహించని స్థాయిలో పాపులారిటీ సంపాదించాడు. కూల్ పర్సనాలిటీ అనే ట్యాగ్ లైన్ తో ఇంటి నుంచి బయటకు వచ్చిన తర్వాత అతని కోసం సినిమా ఆఫర్లు వెయిట్ చేస్తున్నట్లు వార్తలు వచ్చాయి…. కానీ వాటికి సంబంధించిన అధికారిక ప్రకటన వెలువడలేదు.
దీంతో అంతా బిగ్ బాస్ విన్నర్లు అందరికీ అంతే…. కాలం కలిసి రాదు అని అభిప్రాయపడుతున్నారు. బిగ్ బాస్ విన్నర్లకు స్స్ షో…. సినిమా ఆఫర్లు పొందేందుకు ఏ మాత్రం ఉపయోగపడదా? అన్న ప్రశ్న అలాగే ఉంది. మొదటి సీజన్ శివబాలాజీ, రెండవ సీజన్ కౌశల్, 3వ సీజన్ విన్నర్ రాహుల్ సిప్లిగంజ్ కు షో ద్వారా ప్రజలలో మంచి గుర్తింపు వచ్చినప్పటికీ కెరీర్ పరంగా టైటిల్ విన్నర్లకు ఏమాత్రం హెల్ప్ కాలేదు. మిగతా కంటెస్టెంట్ లే వారి కన్నా ముందు మంచి ఆఫర్లు అందుకని దూసుకుపోతుంటే విన్నర్లకు మాత్రం పెద్దగా వచ్చింది ఏమీ లేదనే అభిప్రాయాలు వ్యక్తమవుతున్నాయి. మరి అభిజిత్ వీలైనంత త్వరగా ఏదో ఒక విధంగా ప్రేక్షకులకు దగ్గర కాకపోతే అతనిని అంతా మళ్ళీ మర్చిపోయే ప్రమాదం కూడా ఉంది.