TDP : రాష్ట్రంలో మున్సిపల్ కార్పొరేషన్ ఎన్నికలు జరగనున్న నేపథ్యంలో ప్రధాన పార్టీల నాయకులు ప్రచారంలో బిజీబిజీగా గడుపుతున్నారు. పార్టీ గుర్తు పై మున్సిపల్ ఎన్నికలు జరుగుతున్న నేపథ్యంలో ప్రధాన పార్టీలు చాలా ప్రతిష్టాత్మకంగా తీసుకున్నాయి.
ఎలా ఉంటే విజయవాడ మున్సిపల్ కార్పొరేషన్ ఎన్నికల ఈ విషయంలో టీడీపీ ఎంపీ కేశినేని నాని కి సొంత పార్టీలోనే సెగ గట్టి ఎదురు దెబ్బ తగిలినట్టు కృష్ణా జిల్లా రాజకీయాల్లో వార్తలు వినబడుతున్నాయి. పూర్తి మేటర్ లోకి వెళ్తే మున్సిపల్ కార్పొరేషన్ ఎన్నికల టికెట్ల పంచాయితీ టిడిపి అధిష్టానానికి తలనొప్పిగా మారినట్లు వార్తలు వస్తున్నాయి. మొదటి నుండి ఈ విషయంలో టీడీపీ ఎంపీ కేశినేని నాని దూకుడుగా వ్యవహరిస్తే ఆధిపత్యం చెలాయిస్తున్న నేపథ్యంలో..తాజాగా ఆయనకు చేదు అనుభవం ఎదురైనట్లు సమాచారం. సొంత పార్టీ కార్యకర్తలు ఎంపీ కేశినేని నాని కి వ్యతిరేకంగా నినాదాలు చేస్తూ విజయవాడలో కలకలం సృష్టించడం జరిగింది. నేరుగా ఆయన కార్యాలయం ఎదుట కార్యకర్తలు ఆందోళనకు దిగటం మాత్రమే గాక ఎంపీకి వ్యతిరేకంగా ప్రచారానికి రెడీ అవుతున్నట్లు పార్టీలో టాక్. ముఖ్యంగా 34 వ డివిజన్ అభ్యర్థి మార్పుతో ఈ వివాదం రాజుకుంది. దీంతో టీడీపీ కార్యకర్తల నేరుగా ఎంపీ కేశినేని కార్యాలయం ఎదుట ధర్నాకు దిగటం మాత్రమే కాక లోపలికి వెళ్లే ప్రయత్నాలు చేయటంతో పోలీసులు వారిని అడ్డుకున్నారు. దీంతో టీడీపీ కార్యకర్తలకు మరియు పోలీసులకు మధ్య తోపులాట జరిగింది. 34 వ డివిజన్ టికెట్ ఈ విషయంలో కేశినేని నాని తగ్గాలని లేకపోతే ఇక్కడినుండి కదిలే ప్రసక్తి లేదు అంటూ టిడిపి కార్యకర్తలు డౌన్ డౌన్ అంటూ నినాదాలు చేశారు.