Women: జుట్టు దగ్గర నుంచి పాదాల గోళ్లు వరకు మొత్తమంతా అందంగా ఆకర్షణీయంగా ఉంచుకోవాలని టీనేజ్ అమ్మాయి తెగ శ్రద్ధ చూపిస్తుంటారు. ముఖ్యంగా నడుము, ఉదర భాగాలు అత్యంత ఆకర్షణీయంగా ఉంచుకునేందుకు అమ్మాయిలు తెగ చేయని ప్రయత్నం అంటూఉండదు . అయితే ఆ నడుము, ఉదర భాగాలు ఆకర్షణీయం గా ఉంచుకోవాలంటే ఏం చేయవలసి ఉంటుందో తెలుసుకుందాం. కనీసం వారంలో మూడు సార్లయినా అరగంట పాటు నడక లేదా , వ్యాయామం కానీ కచ్చితంగా చేయాలి. ఇలా చేయడం తో పొట్టదగ్గర చేరిన కొవ్వు కరిగి స్లిమ్‌గా అందం గా మారుతుంది. ఆహారం లో ఫైబర్ లో ఎక్కువగా ఉండేటట్లు చూసుకోవాలి. వైట్ బ్రెడ్, బంగాళాదుంపలు, అన్నం తగినంత మాత్రమే తీసుకోవాలి.
ఇంకా చెప్పాలంటే చెపాతీ కంటే కూడా ముడి బియ్యాన్ని తీసుకోవడం చాలా మంచిది. పండ్లు, కూరగాయలు ఎక్కువ ప్రాధాన్యం ఇవ్వడం వలన పొట్టలో కొవ్వు చేరకుండా చూడటం లో బాగా పనిచేస్తాయి. ఒకవేళ మీకు పాలు తాగేలావాటు ఉంటే.. కొవ్వులేని పాలు తాగడం వలన అది మీకు బాగా సహాయపడుతుంది.
శరీరంలోని అన్ని అవయవాలు కదిలే విధంగా ఓ పది లేదా పదిహేను నిమిషాల పాటు వ్యాయామం చేయాలి. ఒకవేళ మీరు కూర్చుని పనిచేసే ఉద్యోగం వారైతే కనీసం గంటకోసారి కుర్చీలోంచి లేచి, ఐదు నిమిషాలపాటు అటు ఇటు తిరిగి రావడం వంటివి చేయండి. లేదంటే బాన పొట్ట చాలా తేలికగా పెరగడం ఖాయం అని మరువకండి .
ప్రతిరోజూ ఉదయం పూట ఓ 6 బాదం పప్పులు తినండి . రోజు మొత్తం లో ఆరు నుంచి ఎనిమిది గ్లాసుల నీటిని తాగండి. జీర్ణ సంబంధ సమస్యలు లేకుండా జాగ్రత్త పడండి. ఒకేసారి భారీగా ఆహారాన్ని తినకుండా రెండు మూడు సార్లు కొంచెం కొంచెం గా తినండి. దానివలన పొట్ట ముందుకు పొడుచుకు వచ్చినట్లు కనిపించకుండా స్లిమ్‌గా కనిపిస్తారు. అంతేకాదు నిద్ర పోవడానికి కనీసం మూడుగంటల ముందే భోజనాన్ని చేసేయండి . ఇవన్నీ పాటించండి ఆకర్షణీయమయిన నడుము పొట్ట మీ సొంతమవుతుంది.